Bang Media

Shakisha

FILM NYARWANDA

Amafoto:“Iburagurabwami“-Uyu mupfumu araragura, araterekera, arabandwa, arapfumura, arahamura, aratsirika

by www.igihe.info
Amafoto:Uyu mupfumu araragura, araterekera, arabandwa, arapfumura, arahamura, aratsirika

Dusabimana Emmanuel w’imyaka 30, yemera ko akora imihango ya kera irimo kuragura, guterekera, kubandwa no gushika kugira ngo abashe kuvura neza mu buryo bwa gakondo abamugana. Avuga ko iwe hitwa “Iburagurabwami


Ni umusore ubona muto muto, usobanura ijambo ku rindi adategwa agira ngo akwemeze neza uko akora aka kazi wumva kagoye ariko ubona yazobereyemo ashimangira ko yakarazwe na ba sekuruza.
Arubatse afite umugore n’abana babiri. ubu buvuzi bwe abukorera aho atuye, avuga ko basanzwe bahita ‘Iburagurabwami” mu mudugudu w’Amasangano, mu Kagari ka Kabuye, mu Murenge wa Jabana ho mu Karere ka Gasabo. Biragoye kubona umuturage wo muri aka gace utahazi, ndetse bahita kwa ‘Mupfumu’
Mu kuvura, Dusabimana avuga ko yifashisha ubu buryo bwo kuragura kugira ngo abanze amenye neza uko avura umurwayi uba uje umugana n’imiti amuha.

Amafoto:“Iburagurabwami“-Uyu mupfumu araragura, araterekera, arabandwa, arapfumura, arahamura, aratsirika
Dushimimana imbere y’inzu araguriramo
Agira ati “Ndi umuraguzi, umurwayi iyo aje ntazi icyo arwaye ndabanza nkaragura nkamenya icyo arwaye n’amarozi yaba arwaye nkayashika ngahita nyazana. Mbasha kumenya umuntu amarozi bamuroze nkamenya icyabiteye yaba ari amategano nkaba ndabimenye, yaba ari amarozi y’amahuherano nkaba ndabimenye, yaba ari n’ihembe bamutumye nkaba ndabimenye ngahita nkoresha irindi hembe nkabishika nkabikurayo.”
Ubwo namusuraga, yantembereje aho akorera ubwo buganga bwe. Ni mu kazu gato k’ibyondo utapfa kumenya ko gakorerwamo iyo mihango ya kera yo kuragura. Uko asobanura uko akora aka kazi ni nako yatatse aka kazu ke winjiramo ubanje gukuramo inkweto.
Aka kazu avuriramo gafite icyumba ariko cyo mbere yo kucyinjiramo ubanza kunama cyane kuko akaryango ari gato kandi kagufi.impande n’impande uhabona ibintu bitangaje byiganjemo ibiteye ubwoba; harimo ibibaje mu biti, ibikoko avuga ko byapfuye kera yarazwe na ba sekuru be nk’uducurama, inzoka, ibihunyira, ibyiyoni, inkoko, udukwavu, imbeba n’ibindi agusobanurira akwereka.

Amafoto:“Iburagurabwami“-Uyu mupfumu araragura, araterekera, arabandwa, arapfumura, arahamura, aratsirika
Bimwe mu bikoko bimanitse mu nzu araguriramo harimo n’ibisiga
Ucyinjiramo wumva hanuka cyane, kugeza igihe agucaniye utuntu tuhazana undi mwuka. Urimo ntushobora gupfa gutinyuka kwikomakoma ngo utagira ibyo usandaza kuko buri hamwe haba hateretse ibintu by’imitako bishaje byuzuyeho ivumbi. Ugenda wunamirije cyane kuko weguye umutwe uhita ukubitana n’ibyo bisimba byapfuye birereta hejuru.
Ku rutonde rw’imiti atanga n’indwara avura hariho ubwoko burenga 30. Muri byo harimo umuti utuma abakurimo umwenda bakwishyura ibyawe, umuti ugarura ibyawe byibwe, umuti utuma abagore batandukanye n’abagabo basubirana, umuti wirukana amashitani n’abazimu, umuti utuma abanyeshuri batsinda ku mashuri, utera ishaba, umuti uzingura abakobwa n’abasore n’ibindi bijyanye n’imibonano mpuzabitsina.
Byose avuga ko kwisuzumisha ari amafaranga ibihumbi bibiri y’u Rwanda hanyuma yamara kukuragurira igiciro kindi ukakibwirwa n’abo yita ab’ibukuru.


Agira ati “Iyo uje ngo nkuragurire wishyura ibihumbi bibiri, ukabishyira ku ruhimbi nanjye nkagenda ngahamagara imandwa z’iwacu cyangwa ngahamagara amahembe y’iwacu, ibindi ubimenya nyuma umaze kwisuzumisha,kuko sinjye uca amafaranga ni imandwa dukoresha, ni ababyeyi.”
N’ubwo ku muryango winjira aho aragurira handitse amagambo yo muri Bibiliya, Dusabimana avuga ko mu by’iyobokamana yambaza Nyabingi.
Agira ati “Iwacu dukomoka ibwami turi abaraguzi b’ibwami, bahita Iburagurabwami; navutse data abandwa, aterekera, aragura, ari umushitsi dukunze kwiyambariza Ryangombe rya Babinga, na Nyundo na Binego baturutse mu Bugande, tukiyambariza Nyabingi Biheko ari we Nyirampeka n’umwana we Gahu baturutse muri Tanzaniya ahantu bita Karagwe k’abahinda. Twebwe turabandwa tukanaterekera!”
Avuga ko benshi mu bo avura ari abantu ba kera, bazi ibya gakondo ya kera.
Muri uyu Murenge wa Jabana hari abandi babiri; Rwabuzisoni Vicent na Karekezi, bivugwa ko nabo baragura n’ubwo bo babihakana bakavuga ko ari abavuzi gakondo gusa.


Kimwe na benshi mu bavuzi gakondo bo mu Rwanda, bavuga ko bavura zimwe mu ndwara zifatwa nk’izikomeye harimo kanseri, diabete, kubyara ku bagore bagumiwe, imitezi na mburugu, igifu, inzibyi n’ibindi.

Inzu Dushimimana akoreramo iby’imigenzo gakondo


Aho aterera inzuzi ku mpinga
Bimwe mu bitatse inzu araguriramo
Ikirugu cy’abakurambere
 
igihe.com
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego