Bang Media

Shakisha

FILM NYARWANDA

Ese koko imisatsi y’imikorano ikoreshwa n’abagore yaba ikomoka kwa shitani nkuko bamwe babivuga ?

by www.igihe.info
Abenshi mu bakoresha imisatsi itari karemano (abakobwa n’abagore) bakunze kwibaza inkomoko yayo ariko ntibabone igisubizo. Imwe muri iyi misatsi ni isukishwa inweri (meches), indi ikungikanywa n’imisatsi karemano bigasa nk’aho ari imisatsi isanzwe (plante) ndetse n’ ikoreshwa mu gisa nk’ ingofero bashyira ku mutwe ukagira ngo ni imisatsi y’umuntu (perruque).
 
Iyi misatsi usanga ikoreshwa cyane cyane n’igitsinagore b’abirabura bashaka gusa neza cyangwa kongera ubwiza ariko burya n’abazungu barayikoresha aho bungikanya n’iyabo kugirango igire igiti gifatika.

By’umwihariko iyi misatsi ikoreshwa cyane n’ibyamamarekazi muri muzika, sinema n’imideli nka ba Beyonce, Christina Aguilera, Shakira, Palis Hilton n’abandi tutarondoye ku buryo nta warabukwa ko atari imisatsi yabo karemano.

Ese koko imisatsi y’imikorano ikoreshwa n’abagore ikomoka kwa shetani nkuko bamwe babivuga ?
Imisatsi y’imikorano ikoreshwa mu buryo butandukanye
Amoko y’imisatsi batera ku mutwe
Benshi bakunze kujya impaka bavuga ko iyo misatsi twavuze haruguru ari imikorano cyangwa se iva ku bantu n’ibindi; aba bose bafite ukuri kuko hari ubwoko butatu bw’iyo misatsi.
Habaho imisatsi iva ku bantu (human hair/cheveux humain), ikorerwa mu nganda (meche artificielle/fibre synthétique) ndetse n’imisatsi ivanze, ni ukuvuga ikoze mu misatsi y’abantu hamwe n’imikorano (semi- naturels) rimwe na rimwe muri iyi ya nyuma hifashishwamo n’ubwoya bwo ku mugara cyangwa umurizo w’indogobe.
Nk’uko byavuzweho haruguru, iyi misatsi ikoreshwa mu buryo bunyuranye, akenshi biterwa n’ubikora cyangwa ubikorerwa; ikunze gukoreshwa modeli zitandukanye ariko inyinshi bakoramo inweri, iyo bungikanya n’imisatsi karemano bakayisokoza ubo byifuzwa (extensions capillaires ou extensions de cheveux), ishyirwa ku kagofero cyangwa se iyo bashyira inyuma ku mutwe ukagira ngo ni umusatsi bafungiye inyuma (postiche) bigakora chignon (soma shinyo).
Ese koko imisatsi y’imikorano ikoreshwa n’abagore ikomoka kwa shetani nkuko bamwe babivuga ?
Imisatsi y’imikorano icuruzwa hirya no hino ikomoka mu Buhinde n’ahandi
Inkomoko y’iyi misatsi…
Imyinshi muri iyi misatsi ikorerwa muri Asiya ari naho hava imisatsi iva ku bantu (human hair/cheveux humains) bita meches naturelles. Iyi misatsi iba yarogoshwe ku bakobwa n’abagore b’Abahinde mu mihango nyobokamana bagira aho batura imisatsi nk’ibitambo ku mana zabo.
Ahazwi cyane haturirwa iyo misatsi ni ku rutambiro/urusengero (temple) rwa Tirupati ruri mu Mujyi wa Andhra Pradesh mu Majyepfo y’u Buhinde ari naho ha mbere ku isi hakurwa imisatsi y’abantu ikoreshwa muri buriya buryo twavuze.
Umuco w’idini ry’Abahindu usaba abayoboke baryo ko byibura rimwe mu buzima yiyogoshesha umusatsi we akawutura imana yabi. Bityo rero usanga ibihumbi n’ibihumbi by’Abahinde biturutse imihanda yose bigana urwo rusengero bagatura imisatsi yabo imana yitwa Vishnou.
Ese koko imisatsi y’imikorano ikoreshwa n’abagore ikomoka kwa shetani nkuko bamwe babivuga ?
Umunyamerika w’icyamamare Beyonce yitabiriye gukoresha iyi misatsi
Iyo iyi misatsi imaze guturwamo ibitambo igurishwa ku banyenganda n’abandi bayicuruza, amafaranga avamo akoreshwa mu gufasha amashuri n’ibitaro.
Uretse mu Buhinde, hari n’imisatsi ikomoka muri Malaisia, Vietnam, u Bushinwa ndetse n’ituruka muri Bresil n’u Burusiya.
Uretse kuba mu Buhinde haturuka imisatsi iva ku bantu, hanakorerwa imisatsi y’imikorano (meche artificielle/synthétique). Abenshi bakora iyi misatsi baherereye mu Karere ka Hanan na Quingdao (imijyi yo mu Buhinde) habaye kabuhariwe mu gukora imisatsi ikorerwa mu nganda ikoherezwa Iburayi, Amerika no muri Afurika. Si mu Buhinde gusa haturuka imisatsi y’imikorano kuko no mu Bushinwa irahakorerwa.
Arikongererwa umusatsi
Itandukaniro riri hagati y’iyi misatsi
Duhereye ku misatsi y’imikorano (synthetique) usanga ari yo igaragara cyane mu maduka y’abirabura mu bihugu by’Iburayi ndetse no ku masoko yo muri Afurika, iyi misatsi igurishwa ku giciro usanga kidakanganye iba ikoze mu buryo butandukanye no mu mabara atandukanye igakundwa gusukishwa inweri.
Imisatsi y’imikorano ivanze n’ituruka ku bantu yo icuruzwa ku izina «100% hair». Urwo ruvange ruba rwatunganyirijwe mu ruganga ruvamo imisatsi yoroshye kandi ubona isa neza.
Imisatsi ikomoka ku bantu igacuruzwa, itandukanye n’ubwo bwoko bundi bubiri twavuze kuko yo iba yenda kumera kimwe n’imisatsi y’Abanyaburayi. Ni imisatsi iva ku bantu bakayicuruza nta kindi bayihinduyeho uretse kuyitoranya no kuyoza neza ngo ivemo umwanda.
N’ubwo hari imisatsi ituruka mu bindi bihugu, imyinshi mu ikomoka ku bantu ikoreshwa mu gusuka inweri no kongera umubyimba w’imisatsi isanzwe ku mutwe (extension) iva ku misatsi y’Abahindekazi kuko izwiho ubwiza, gukomera no gukorwamo insokozo neza.
Ivomo: extensionscheveux, wikipedia

bwiza.com
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego