Bang Media

Shakisha

FILM NYARWANDA

Kwegura kwa Perezida wa Sena:Amakosa avugwa kuri Dr Ntawukuliryayo Jean Damascene

by www.igihe.info
Kwegura kwa Perezida wa Sena:Amakosa avugwa kuri Dr Ntawukuliryayo Jean Damascene

Dr Ntawukuliryayo Jean Damascene yahawe umwanya wo kwisobanura ku makosa abasenateri bagenzi be bari bamaze kugaragaza, abashimira kuba bemeye ubwegure bwe ubundi ahita yisohokera (Ifoto/Mbanda.J)

Abasenateri  batandukanye bakomeje kugaragara mu itangazamakuru, basobanura ibyo banengaga Dr Ntawukuliryayo Jean Damascene weguye ku mwanya wa Perezida wa Sena.
Tito Rutaremara ushinzwe imyitwarire muri Sena, avuga ko Ntawukuriryayo   yagiye agaragaza kudakorana neza na bagenzi be, gutanga akazi muri Sena uko yishakiye, kubangamira imirimo ikorerwa muri Sena, gukoresha igitugu mu nama z’abaperezida ba komisiyo zo muri Sena, gufata ibyemezo wenyine ndetse no kwitabira inama zakorwaga mu ibanga ababishinzwe batabizi.

Kwegura kwa Perezida wa Sena:Amakosa avugwa kuri Dr Ntawukuliryayo Jean Damascene

Uko Dr. Ntawukuriryayo yeguye

Abasenateri bagera kuri 15 barimo na Senateri Tito Rutaremara  bari bandikiye ubuyobozi bwa Sena basaba ko hatumizwa Inteko rusange idasanzwe ngo bigire hamwe  ku imikorere ya Dr Ntawukuriryayo.

Inama yatumijwe na Dr Ntawukuliryayo, watangaje kwegura kwe ariko akavuga ko yeguye ku mpamvu ze bwite, ariko abandi basenateri bakavuga ko imikorere ye n’imikoranire ye n’abandi n’ubundi yari inaniwe.

Abasenateri 25 muri 26 bagize Umutwe wa Sena bemeye ubwegure bwe buhita bunahabwa agaciro.

Kwemera ubwegure bw’uyu muyobozi wa Sena ucyuye igihe, bwakurikiwe n’amagambo yavuzwe n’abasenateri bagenzi be bamunenga, nawe ahibereye, yicaye hamwe n’abandi basenateri, inama iyobowe na Senateri Bernard Makuza.


Kwegura kwa Perezida wa Sena:Amakosa avugwa kuri Dr Ntawukuliryayo Jean Damascene
Makuza yahaye umwanya Dr. Ntawukuriryayo ngo yisobanure ku byo bagenzi be bari bamaze kumunenga, ariko araceceka, ahubwo ashimira  abasenateri kuba bemeye ubwegure bwe.

Inama itararangira, Dr Ntawukuliryayo yarasohotse yigira mu biro bye, igikorwa kitashimishije abasenateri bagenzi be.

Kwegura kwa Perezida wa Sena:Amakosa avugwa kuri Dr Ntawukuliryayo Jean Damascene

Bernard Makuza yabwiye itangazamakuru ko iyo Perezida wa Sena yeguye, bahita bemenyesha Perezida wa Repubulika, Ihuriro ry’Amashyaka, Perezida w’Urukiko rw’Ikirenga, Umutwe w’Abadepite, hanyuma Perezida agategura inama y’inteko rusange yo kureba uwamusimbura.

Dr. Ntawukuriryayo wo mu ishyaka rya PSD, yari Perezida wa Sena guhera mu kwezi ku Kwakira 2011, umwanya yagiyeho asimbura Dr Vincent Biruta uyobora Minisiteri y’Umutungo kamere.

Dore ibarwa abasenateri 15 banditse basaba ko hatumizwa inama idasanzwe, kugira ngo higwe ku miyoborere ya Dr Ntawukuliryayo

Kwegura kwa Perezida wa Sena:Amakosa avugwa kuri Dr Ntawukuliryayo Jean Damascene

Izuba Rirashe

Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego