Bang Media

Shakisha

FILM NYARWANDA

Rwanda Day Atlanta:Kagame asanga u Rwanda rwabera isi yose icyitegererezo

by www.igihe.info
Rwanda Day Atlanta:Kagame asanga u Rwanda rwabera isi yose icyitegererezo

Mu ijambo Perezida Paul Kagame yagejeje ku Banyarwanda n’inshuti z’u Rwanda bari bitabiriye Rwanda Day ku nshuro ya Gatandatu, yabagaragarije ko u Rwanda rugira uburyo bwiza rukemuramo ibibazo, kandi ubwo buryo bukaba bwagira akamaro ahari ho hose ku isi.
Ni mu muhango wo guhura , gusabana no kungurana ibitekerezo n’Abanyarwanda bo hirya no hino ku isi, aho ku nshuro ya gatandatu habaye Rwanda Day, kuri iyi nshuro ikabera i Atlanta muri Leta Zunze Ubumwe za Amerika.
Asobanura ijambo agaciro yavuze ko n’ubwo atari ijambo rishya, hari ibyo yifuje gushimangira byunganira uko iri jambo risanzwe ryumvikana. Kagame ati “Agaciro ni ukwiremamo umuco wo kwigira. Uko kwigira kugerwaho ari uko buri wese ahaye mugenzi we agaciro kamukwiye.”

Rwanda Day Atlanta:Kagame asanga u Rwanda rwabera isi yose icyitegererezo
Kagame avuga ko ibihe Abanyarwanda banyuzemo byabafashije kumva neza icyo ’kwimenya no kwigira’ bisobanuye, nabyo bikuzuzwa no gukorera hamwe no kubahirirza inshingano.
Perezida Kagame yagarutse kandi ku byo gutekereza byimbitse, no kureba kure, gutekereza ibyatuma imibereho irushaho kuba myiza kuri mugenzi wawe nk’uko nawe agomba guharanira imyawe myiza.
Perezida Kagame yavuze ko guharanira ubumwe, kuzamura iterambere, kurwanya indwara, kongerera abantu ubushobozi, kubashakira akazi, n’ibindi byose bigamije ineza y’igihugu, si umwihariko ubereye u Rwanda rwonyine, agahugu gato.

Umukuru w’igihugu yavuze ko kuba ibi byose bigerwaho mu Rwanda, nta kindi kibishoboza kitari “Ukureba kure”, kandi iyi mitekerereze yimbitse yagira agaciro ntagereranywa no hanze y’u Rwanda.
Paul Kagame ati “Niba tubasha gukemura ibibazo bihambaye bifatiye ku mateka atoroshye igihugu cyacu cyabayemo, amwe mu masomo atari make twahigiye ashobora no kwifashishwa ku bandi bantu batuye mu birometereo agahiryi kure cyane y’u Rwanda.”
Kureba kure
N’ubwo mu ijambo rye i Atlanta tatinze cyane ku ijambo “Kreba kure”, ahubwo akarisobanura mu ncamake, Perezida Kagame yari yarivuzeho birambuye kuwa 07 Mata 2014, ubwo yagiraga ati “Twahisemo kureba kure. Ubwo Abanyarwanda twabohoraga Igihugu, twari tugifitiye gahunda ndende. Ubwo twiyemezaga kugera ku ntego z’iterambere ryacu n’icyerekezo 2020, twarebaga kure. Igihe twafataga icyemezo cy’uko u Rwanda ruba igihugu kireshya abacuruzi n’abashoramari, twarebaga kure.”
“Ubwo twashoraga amafaranga mu gushyiraho umuyoboro w’itumanaho ugera mu turere twose mu gihugu (broadband network), twarebaga kure. Igihe twatangiraga gutanga umusanzu muri Loni na Afurika Yunze Ubumwe mu butumwa bwo kubungabunga amahoro ku isi, twarebaga kure.”
“Akazi kari imbere ni kenshi kandi karakomeye, karuta n’ako turangije. Ariko Abanyarwanda twiteguye neza gukomeza akazi keza, … twiteguye kandi kugakora neza.”
“Ntidusigana kuko duhinga umurima wacu”
Perezida Kagame kandi yashimye Abanyarwanda ku myifatire myiza yo kudahanahana inshingano basigana, abashimira gutahiriza umugozi umwe, nka kimwe mu byafashije u Rwanda kugera ku rwego ruriho ubu. Yabishimangije umugani wa Kinyarwanda ugira uti “Uhinga mu murima we, ntabwo asigana” Yaboneho gusaba buri Munyarwanda wese kugira umusanzu we atanga ku gihugu cye, aho yaba ari hose ku isi.
Insanganyamatsiko ya Rwanda Day ku nshuro ya gatandatiu ni “Agaciro, amahitamo yacu”.

Photo: Village Urugwiro
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego