Bang Media

Shakisha

FILM NYARWANDA

Suwede:Umunyasuwede mu buroko akurikiranweho uruhare muri Jenoside yakorewe Abatutsi

by www.igihe.info
Umwe mu bagabo baherutse gutabwa muri yombi na Polisi ya Suwede agahatwa ibibazo, yafunzwe akekwaho ibyaha bya Jenoside yakorewe Abatutsi mu 1994.

Umunyasuwede mu buroko akurikiranweho uruhare muri Jenoside yakorewe Abatutsi Polisi ya Suwede yirinze gutangaza amazina y’abo bagabo ariko ivuga ko barimo ufite ubwenegihugu bwa Suwede ukomoka mu Rwanda n’Umunyarwanda uba muri Suwede. Bose bahakana ko bagize uruhare muri Jenoside yakorewe Abatutsi.
Umushinjacyaha ushinzwe gukusanya ibimenyetso bishinja aba bagabo, Tora Holst yabwiye AFP ko iperereza ryo kumenya neza uruhare rwabo muri Jenoside rikomeje
Ati “Umwe muri abo bagabo yafunzwe ariko iperereza rikomeje kubakorerwaho bose”.
Uwafunzwe yavutse mu 1955 kandi yamaze guhabwa ubwenegihugu bwa Suwede, naho uwarekuwe yavutse mu 1962 ni Umunyarwanda uba mu Mujyi wa LuleƄ wo mu majyaruguru ya Suwede.
Amategeko Suwede igenderaho yemera ko ukekwaho ibyaha yaguma mu buroko mu gihe umushinjacyaha agikusanya ibimenyetso bimushinja.
Muri Kamena, urukiko rw’ubujurire rwa Suwede rwakatiye igifungo cya burundu Stanislas Mbanenande, nyuma yo guhamwa n’icyaha cyo kwica abantu batanu mu Burengerazuba bw’u Rwanda muri Jenoside yakorewe Abatutsi nubwo we yabihakanaga.
Abandi Banyarwanda bagiye bafungirwa muri Canada, Finlande, Norvege n’u Buholandi bazira kugira uruhare muri jenoside.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego