Bang Media

Shakisha

FILM NYARWANDA

Nyarugenge ni iya mbere mu gukorerwamo ibyaha byinshi mu gihugu

Akarere ka Nyarugenge kakorewemo 12.16% by’ibyaha byo mu gihugu hose kabimburira utundi ku gukorerwamo byinshi mu mezi atatu ashize.

Gasabo ikurikira Nyarugenge mu gukorerwamo amabi menshi na 9,41%, Kicukiro ikaba iya gatatu ifite 7,6%.
Mu kiganiro n’abanyamakuru kigamije kugaragaza uburyo umutekano w’ifashe mu gihugu kiba buri mezi atatu, minisitiri w’umutekano w’imbere mu gihugu Sheikh Musa Fazil Harelimana yatangaje ko biteye inkeke kuba ibyaha byaragabanutseho 0,52% .
Yagize ati ” Umwaka ushize mu mezi nk’aya habaruwe ibyaha 3800 ariko ubu twabaruye 3780 , hagabanutseho ibyaha 20 gusa urumva ko bidashimishije cyane. ”
Muri aya mezi atatu, ibyaha byiganje cyane ni ubwicanyi, ibiyobyabwenge ndetse , gufata abana ku ngufu no guhohotera abagore
Minisitiri Harelimana asobanura ko impamvu uturere tw’umujyi wa Kigali tuza ku isonga mu kugukorerwamo ibyaha byinshi ari uko ari two turere n’ubundi dutuwe cyane mu gihugu.
Nyarugenge yaciye agahigo mu gukorerwamo ibyaha byinshi mu gihugu
Yagize ati ”Ubucucike ndetse n’abantu baturana bataziranye ni byo bituma batagirirana imbabazi.”
Mu mezi atatu ashize ibyaha by’ubwicanyi byanganye na 107 mu gihe mu mwaka ushize byari 110.
Ibiyobyabwenge byafashwe inshuro 729 mu gihe ubushize byari byarafashwe inshuro 759 mu gihugu cyose.
Nyarugenge yaciye agahigo mu gukorerwamo ibyaha byinshi mu gihugu
Ku kijyanye no gufata ku abana ku ngufu , 90% by’abafata abana ku ngufu ngo abaturanyi, abakozi bo mu rugo ndetse n’abantu ba hafi bo mu miryango yabo.
Minisitiri Fazil avuga ko kuba hari ibyaha bihari bitavuga ko igihugu nta mutekano gifite kuko bigenda bigabanuka ari nako inzego z’umutekano zikoresha amayeri mashya mu guhangana n’ibyaha bivuka kubera iterambere.

igihe.com
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego