Bang Media

Shakisha

FILM NYARWANDA

RDC: Havumbuwe ibyobo bitatu byajugunywemo abantu

Ibyobo bitatu byuzuye imirambo y’abantu bikekwa ko bishwe n’umutwe witwa FRPI wa Cobra Matata, byavumbuwe mu mujyi wa Nyakabila uherereye mu birometero 35 uvuye i Bunia mu Karere ka Ituri ho mu Ntara y’Uburasirazuba bwa Repubulika Iharanira Demokarasi ya Congo.

Ibyo byobo byasanzwemo abantu 31, bikekwa ko bishwe bakajugunywamo mu mwaka w’2012. Ibi byiyongera ku byaha Cobra Matata n’abarwanyi be bakurikiranyweho kuva muri Mutarama 2013.
Radio Okapi dukesha iyi nkuru ivuga ko muri iyo mirambo 31 harimo iy’abana bane, umugore umwe n’abagabo 26.

Ubuhamya bwahawe ubutabera bwa gisirikare, buvuga ko mbere yo kwicwa, abo bantu babanje gufungiranwa, bagatwikwa ari bazima, hagacukurwa ibyo byobo 3 maze bakabishyirwamo.
Sosiyete Sivile yo muri ako gace ivuga ko ibyo bikiba byamenyeshejwe ubuyobozi, ariko kugera aho hantu byabereye bikaba ikibazo gikomeye, kuko ku manywa habaga hagenzurwa n’abitwa “Forces Loyalistes”, nijoro hakagenzurwa n’umutwe wa “Force de Résistance Patriotique de l’Ituri (FRPI)” ari na wo ushinjwa iyicwa rubozo ry’abo bantu.

Aba bantu baje biyongera ku bandi 800, Cobra Matata n’abarwanyi be bakurikiranyweho.
Kuva muri Mutarama 2013, uyu mutwe ukurikiranyweho ibyaha byibasiye inyoko muntu, ubwicanyi n’Ubusahuzi, gusa kugeza ubu abarwanyi bawo n’umuyobozi wawo banze kwishyikiriza ku bushake ingabo za Leta ya Congo cyangwa MONUSCO.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego