Bang Media

Shakisha

FILM NYARWANDA

Rulindo: Bamwe mu bagore bagorobereza mu kabari rimwe na rimwe bakarara mu mihana

Bamwe mu bagore batuye mu murenge wa Murambi mu karere ka Rulindo, ntibaterwa ipfunwe no kugorobereza mu kabari ndetse rimwe na rimwe bakarara mu mihana kubera inzoga .

Nubwo ubuyobozi bw’ako karere bwahagurukiye icyo kibazo, mu tubari hagaragaramo abagore bafata ku gatama nta mususu mu masaha akuze.
Bamwe mu batuye muri uyu murenge baganiriye na IGIHE bavuga ko hari abagore badatinya gusiga abana mu rugo bakajya kugorobereza banywa manyinya ntibanaterwe ipfunwe no kwandagara basinze cyangwa ngo barare mu mihana.
Mukakimenyi ni umwe mu bategarugori banenga imyitwarire ya bagenzi be.
Ati “ Hari abagore benshi nzi bajya mu kabari bagiye kuvumba inzoga, bagahera nka saa kumi bakageza saa yine za nijoro batarataha. Ariko abenshi usanga ari ibicubaziko. Hari n’abo nzi barara mu mihana basinze. "
Undi mugore utashatse ko izina rye ritangazwa nawe yunze mu rya mugenzi we ariko avuga ko abarangwa iyo ngeso ari ababa bibana.
Ati “ Abagorobereza mu kabari ni abagore batandukanye n’ abagabo cyangwa abakobwa babyariye iwabo. Abagore bafite abagabo babikora ni bake.”
Umwe mu bagabo bo mu murenge wa Murambi witwa Tuyisenge we yemeza ko n’abagore bafite abagabo hari abo asiga mu kabari.
Ati “ Hari abagore bafite abagabo basiga abana mu rugo bakaza kuvumba inzoga mu kabari, ugasanga bibagiwe inshingano zabo , Hari abo njye nsingamo saa mbiri za nijoro.”
Aba baturage bavuga ko inzoga z’inkorano ziba muri ako gace ziri mu birarura abagore , dore ko ngo uwazinyoye bitamworohera kuzivaho .
Imwe mu myanzuro yafashwe n’inama y’umutekano y’akarere ka Rulindo yateranye tariki ya 30 Ukwakira 2014, ni uko abayobozi bafatanyije n’inzego z’umutekano barushaho guhashya ubusinzi n’ibiyobyabwenge.
Umuyobozi w’Akarere ka Rulindo, Kangwage Justus, wari uyoboye iyi nama yagarutse ku guhashya ubusinzi bukabije buterwa ahanini n’inzoga zitemewe zifatwa nk’ibiyobyabwEmma-Marie Umurerwa
enge.

Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego