Bang Media

Shakisha

FILM NYARWANDA

Akabenzi karimo tangawizi

Akabenzi karimo tangawizi Akabenzi ni izina rikunze guhabwa inyama z’ingurube.
Uburyo busanzwe bwo guteka inyama z’ingurube ni ukuzikaranga mu mavuta n’akunyu gake ndetse na tungurusumu. Ariko burya inyama z’ingurube zishobora gutekwa mu buryo bwinshi. Tugiye kubereka uburyo wazitekesha tangawizi, igitunguru, tungurusumu n’isosi ya soya.
Ku bijyanye n’isosi ya soya :
Isosi ya soya ni isosi iba itekeshejwe soya n’utubuto tw’ingano cyangwa umuceri twokeshe. Ikunze gukoreshwa mu biryo byo muri Aziya. Ifite ibara ry’umukara ikaba ifite umunyu.
Mu Rwanda tubona ahantu henshi isosi ya soya iva mu bushinwa ifite marquee “pearl River Bridge”. Icuruzwa mu macupa ya 500 ml ku mafranga 2500. Igira ubwoko bubiri. Iyoroshye(light) n’ifashe (dark) iyoroshye iba isukika nk’amazi, ifite umunyu mwinshi n’ibara ryijimye .Iyo yindi yo irafashe irijimye kurushaho kandi ifite agasukari gake.
Mu gihe iyo sosi ya soya iyo igeze mu gikoni cyawe ubona ko ushobora kuyikoresha mu bintu byinshi. Ushyire udutonganya duke mu masosi yandi uteka, n’ama soups kuko yongeraho akantu karyoshye. Ariko witonde kuko ihindura ibara ry’ibiryo byawe rimenyerewe
Ibikoresho ku bantu 4-6

  • Ibice bine by’inyama z’imbavu z’ingurube(cyangwa ibindi bice )
  • amavuta cyangwa (beurre) wirinde gukoresha Huile d’olive
  • igice 1 cya tangawizi (gingembre, ginger)
  • tungurusumu uduce 2
  • igitunguru 1 kiringaniye
  • isosi ya soya utuyiko 6-8
  • ½ y’igice cy’itasi y’amazi
  • Agasenda uko ubishaka.
Uko itekwa
Hata igitunguru na tungurusumu, ubikatemo ibice binini
Hata na tangawizi uyikatemo uduce duto
Shyushya amavuta mu isafuriya iremereye
Amavuta amaze gushyuha shyiramo inyama ukayifatisha irange ku mpande zose.
Gabanya umuriro ushyiremo tangawizi, tungurusumu n’igitunguru ku nyama no hagati yazo.
Ongeramo isosi ya soya n’amazi make. Ongeramo n’agasenda niba ugakunda
Pfundikira ureke bibire ku muriro muke mu gihe cy’amasaha 2 cyangwa arenzeho. Ukomeze ujye ucunga niba amazi atakamye mu gihe ari ngombwa wakongeramo utuzi duke.
Tegurana izo nyama hamwe n’umuceri w’umweru hamwe n’ichou ya gishinwa(Iyi chou uyiteka ukata ishu mo uduce duto ukayikaranga n’amavuta mu gihe cy’iminota 5 gusa.
Uhite ubitegura . ushobora kunyanyagizaho amavuta ya sésame hejuru.

na Madame Marie, Umutoza mu guteka Tel 0785296033
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego