Bang Media

Shakisha

FILM NYARWANDA

Bumwe mu buryo bwo gufata neza umukozi wo mu rugo

Bumwe mu buryo bwo gufata neza umukozi wo mu rugo Naritegereje mbona abantu benshi bafite abakozi bo mu rugo cyangwa se ababoyi babafata mu buryo butandukanye n’ubwo bafatamo abandi bantu, kandi nyamara bitari bikwiye. Iyo ntekereje kuri iyi mibanire y’umugaragu na shebuja mbona bisa cyane n’imibanire y’umukoresha n’umukozi. Buri wese yifuza gufatwa neza ndetse no guhabwa agaciro n’umukoresha we. Ibi ni ko byari bikwiriye kugenda no ku mukozi wo mu rugo. Ibi ni bimwe muri byo wakora ngo umufate neza :

  • Ntukamutegekeshe igitugu, ahubwo musabe.
  • Ntukamuhane wihanukiriye ahubwo mugaruze ubugwaneza umwigishe ; muri make uko wifuza ko umukoresha wawe yagufata, nawe abe ariko umugenzereza.
  • Nabonye abakozi benshi bo mu rugo bambara imyambaro itameze neza, barahembwa ariko ntibagure imyambaro myiza, niba ubibonye, mugire inama yo kwiyitaho.
  • Mu ngo zimwe na zimwe, usanga umukozi wo mu rugo aba atemerewe kwicara ku ntebe zo muri salo (mu ruganiriro) byaba byiza umuhaye amabwiriza y’igihe yahicara n’uko yajya yitwara mu gihe ahicaye aho kubimubuza burundu
  • hari abakozi batemererwa gufata ku mafunguro amwe n’aya ba shebuja, kereka iyo byasigaye. Ibi si byiza bishobora gutuma yifuza akaba yajya abyiba.
  • Abakoresha bamwe babatera ubwoba ntibabemerere kugira icyo bavuga kereka mu gihe hari ugize icyo amubaza. Ni bibi nabyo byaba byiza ugiye umutega amawi ibyo akubwira ukabiha agaciro.
  • Mwishyurire Ubwisungane mu kwivuza niba nabwo afite ( mutuelle de santé)kugirango bazabashe kwivuza mu gihe bazaba barwaye.
  • Niba bibaye ngombwa gutandukana Musezerere neza
Muri ubu buzima, umuntu ahabwa icyo atanga. Buri munsi uyu mukozi ni we uba ugomba kwita ku rugo rwawe, niwe uba agomba kubatekera, niwe wita ku rugo rwawe n’igihe udahari wagiye ku kazi, niyo mpamvu ukwiye kugerageza kumufata neza uko ubishoboye.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego