Bang Media

Shakisha

FILM NYARWANDA

Ubukungu:Isiraheli igiye gufasha Abanyarwanda kungukira mu buhinzi bw’imbuto

Leta ya Isiraheli yafashije iy’u Rwanda binyuze muri minisiteri y’Ubuhinzi n’ubworozi gushyiraho ikigo cy’ikitegererezo kizafasha Abanyarwanda kugira ubumenyi ngiro bufatika mu buhinzi bw’imboga, ubw’imbuto n’ubw’indabyo. Abazobereye mu buhinzi bo muri Israel, bazigisha Abanyarwanda guhinga neza ibyo bihingwa ku buryo umusaruro wabyo uziyongera bigaragara.
Abanyarwanda bari basanzwe bagerageza guhinga imbuto, imboga cyangwa indabo bazivanze mu bindi bihingwa kandi nabwo ugasanga batabyitayeho ntizitange umusaruro.

Isiraheli igiye gufasha Abanyarwanda kungukira mu buhinzi bw’imbuto
Mu muhango wo gushyira umukono ku masezerano y’ubufatanye hagati ya Minisiteri y’Ubuhinzi n’Ubworozi na Leta ya Isiraheli, ku wa mbere ku ya 1 Ukuboza 2014, Umunyamabanga uhoraho muri Minisiteri y’Ubuhinzi n’Ubworozi Musabyimana Innocent yavuze ko bashaka kongera ibihingwa byoherezwa hanze bongeraho n’ibijyanye n’imbuto.
Yagize ati :" Bimaze kugaragara ko imboga , imbuto ndetse n’indabyo nabyo bishobora kongera ibyo twohereza mu mahanga. Ni muri iyi gahunda tugira ngo uwo musaruro tuwongerere agaciro mu gihugu no ku masoko mpuzamahanga".
Isiraheli igiye gufasha Abanyarwanda kungukira mu buhinzi bw’imbuto
Uwari ahagarariye Leta ya Isiraheli, Ilan Fluss yavuze ko inkunga bazatera u Rwanda izaba iri mu byiciro bibiri, icyo kwigisha Abanyarwanda, n’icyo kubaka ikigo cyijyanye n’igihe cyita ku buhinzi bw’imbuto, imboga n’indabyo.
Byitezweko iyi gahunda iri mu bizafasha kongera umusaruro w’ibikomoka ku buhinzi byoherezwa mu mahanga bikava kuri 16% bikagera kuri 28 muri 2017. Biteganijwe ko ibikorwa byo kubaka icyo kigo cy’ikitegererezo bihita bitangira nyuma yo gushyira umukono kuri aya masezerano.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego