Bang Media

Shakisha

FILM NYARWANDA

Uku abashakanye baryama bigira ingaruka ku mubano wabo bikanerekana uko uhagaze

Abashakanye baryama imibiri yabo itegeranye cyangwa bateranye imigongo, bigaragaza ko umubano wabo wifashe nabi mu gihe abaryama imibiri yabo yegerana cyane bituma umubano wabo uba mwiza ndetse ukaniyongera.

Ukunda kuryama uteye umugongo uwo mwashakanye ? Ese hagati yanyu muhashyira intera ndende cyangwa uba wifuza kuryama utegeranye nawe mu buryo bwose ukegera igikuta cy’inzu cyane ? Ibi bigaragaza uko mubanye ndetse n’igipimo cy’urukundo mukundana.

Dailymail dukesha iyi nkuru yanditse ko ubushakashatsi bwakozwe n’inzobere zo muri kaminuza ya Hertfordshire yo mu Bwongereza, bukorewe ku bashakanye 1100 bugaragaza ko uburyo abashakanye baryamamo bugaragaza neza uku babanye n’urugero rw’urukundo bakundana.

Abashakanye baryama ijoro ryose begeranye cyane nibo usanga umubano wabo umeze neza, mu gihe abahana intera ingana na centimetero 76 zirenga ijoro ryose, umubano wabo uba utameze neza hashingiwe ku bakoreweho ubushakashatsi.

Ubu bushakashatsi bwayobowe na Samuel Dunkell, inzobere mu bijyanye no kumenya ubuzima bwo mu mutwe, bwasanze abantu baryama bihinnye baba ari abanyabwoba, bashidikanya kandi ngo ntibihanganira kujorwa (gukobwa/gusererezwa).

Akomeza avuga ko abashakanye baryama barambuye amaguru ngo bariyunga, barumvikana kandi ntibakora ibyo badahuriyeho.

Abashakanye baryama imibiri yabo yegeranye cyane, barizerana, ntacyo bahishana kandi baruzuzanya muri byose.

Abakoze iyi nyigo bavuga ko 42% by’abashakanye baryama bateranye imigongo, mu gihe 31% baryama barebana ariko bategeranye, naho 4% gusa ngo nibo baryama imibiri yabo yegeranye cyane kandi barebana.

Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego