Bang Media

Shakisha

FILM NYARWANDA

Umuhanzi Safi wo muri Urtban Boyz wiyitiriye Nelson Mandela Madiba ntazi igihe yapfiriye

Niyibikora Safi wo mu itsinda rya Urban Boyz wihaye izina ‘Madiba’ rya Nelson Mandela nyuma y’uko atabarutse ariko ntiyibuka itariki uyu musaza yapfiriyeho ndetse kuri we abifata nk’umunsi usanzwe.

Ku tariki 5 Ukuboza nibwo hibukwa urupfu rw’intwari Nelson Mandela Mandiba waharaniye ubwingenge ndetse n’ubwisanzure bw’Afurika y’Epfo ndetse n’Afurika muri rusange.
Mu kiganiro na IGIHE, Safi yadutangarije ko yibuka Madiba nk’intwari ndetse ko amwigiraho byinshi nubwo atibuka itariki yatabarukiyeho.
Umuhanzi Safi wo muri Urtban Boyz wiyitiriye Nelson Mandela Madiba ntazi igihe yapfiriye
Yagize ati, “Madiba yari umuntu w’intwari cyane, yacishaga make, yubaha ndetse yari umuhanga. Uyu munsi ntacyo unyibutsa kuri we gusa nibuka ko yaharaniye ubwigenge bw’Afurika ndetse arwanya n’ivanguramoko rishingiye ku ruhu ”.
Uretse kuba atibuka itariki Madiba yatabarukiye, Safi Madiba yavuze ko umunsi ku munsi agenda yigana ibikorwa byaranze uyu mugabo akiri ku Isi.
Yagize ati, “Madiba mwigiraho byinshi nkoresha mu buzima bwanjye bwa buri munsi, guca bugufi gukunda abantu ndetse no kwiga, ejo bundi nashoje amashuri ya Kaminuza kuko nasanze nta Madiba wo kubaho atarize”.
Safi Madiba yakomeje avuga ko hari byinshi yahindutseho kuva yakwitwa Madiba ndetse ko n’umuziki we warushijeho kwaguka.
Mu muziki, Safi na bagenzi be bagize Urban Boyz barateganya gushyira hanze album yabo ya gatanu bise ’Tayali’.
Madiba Mandela yavutse ku itariki 18 Nyakanga 1918 mu cyaro cyo muri Cap y’Iburasirazuba ishyira Amajyepfo atabaruka kuri 05 Ukuboza 2013 . Ni umugabo ufatwa nk’intwari ku isi yose kubera ibikorwa bikomeye byamuranze.
Si mu gihugu cye gusa n’Isi yose yamwemeraga nk’intwari, by’umwihariko ku itariki 18 Nyakanga ni umunsi mpuzamahanga witiriwe Mandela washyizweho na Loni mu rwego rwo kwizihiza ibikorwa by’ubutwari bye no gufata iminota 67 yo kwibuka imyaka 67 yaranzwe no kurwanya ibikorwa by’ivanguraruhu muri Afurika y’Epfo.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego