Bang Media

Shakisha

FILM NYARWANDA

Bimwe mu byo ukwiye kumenya ku mujyi wa Boston

Boston ni umujyi mukuru wa Leta ya Massachusetts iherereye mu Majyaruguru ashyira Uburasirazuba bwa Leta Zunze Ubumwe z’Amerika.

Uyu mujyi uzwiho kuba umurwa w’ubucuruzi n’umuco w’icyitwa New England (Leta za Connecticut, Maine, Massachusetts, New Hampshire, Rhode Island, Vermont).
Ubu uyu mujyi uyoborwa na Thomas Menino, ufite abaturage 617 594 (Imibare y’ibarura riheruka mu 2010).
Boston izwiho umwihariko wo kuba igicumbi cy’umuco cyane ko hari kaminuza nyinshi, amasomero ndetse hanategurirwa ibitaramo bitandukanye.
Uyu mujyi washinzwe mu 1630 n’abakoloni bitwa Puritan bo mu Bwongereza bahunganga ugutotezwa gushingiye ku idini bakorerwaga mu gihugu cyabo. Uyu mujyi wateye imbere cyane mu kinyejana cya 17.
Mu kinyejana cya 18, uyu mujyi wa Boston wabereyemo ibikorwa byinshi mu gihe cy’impinduramatwara y’Amerika birimo ubwicanyi bw’i Boston (Boston Massacre) ndetse na Boston tea Party.
Hari n’intambara nyinshi kandi zo muri iki gihe cy’impinduramatwara y’Amerika zirimo iyiswe “Battle of Bunker Hill” na “Siege of Boston” zabereye muri uyu mujyi ndetse no mu nkengero zawo.
Nyuma gato y’ubwigenge bwa Leta Zunze Ubumwe z’Amerika, uyu mujyi waragutse unagira icyambo gikomeye ndetse n’inganda zitandukanye byanatumye ukomeza kuba umujyi ukurura abakerarugendo benshi uko imyaka yagiye ikurikirana kuko ubu wakira abarenga miliyoni 20 buri mwaka.
Boston ni wo mujyi wa mbere wagize ishuri rya Leta muri iki gihugu ryitwaga Boston Latin School (1635) ndetse n’inzira ya mbere ya Gari ya Moshi igendera ikuzimu (subway).
Muri uyu mwaka wa 2012 uyu mujyi wa Boston ni wo watoranyijwe na Leta y’u Rwanda kuberamo ihuriro ngarukamwaka ryiswe Rwanda day aho Abanyarwanda baturutse imihanda yose bahurira n’abayobozi b’igihugu bakaganira ku iterambere ry’igihugu cyabo.
Rwanda izatangizwa ku mugaragaro na Perezida wa Repubulika, Paul Kagame kuwa 21 Nzeri kandi iteganyijwe kumara iminsi ibiri.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego