Bang Media

Shakisha

FILM NYARWANDA

Bugesera : Polisi yataye muri yombi umwarimu ukekwaho kwica uwo yigishaga yateye inda

Umurambo w’umugore utwite uri mu kigero cy’imyaka 19 bivugwa ko wagaragaraga nk’uwishwe anizwe watoraguwe mu mudugudu wa Kayenzi, akagari ka Kayumba mu murenge wa Nyamata mu karere ka Bugesera ku wa 11/1/2015.


Bivugwa ko ari uw’uwitwa Yamfashije Drocelle w’imyaka 19 y’amavuko ukomoka mu mudugudu wa Barama mu kagari aka Gitega mu murenge wa Matyazo mu karere ka Ngororero, akaba ari mwene Benurugo Jean Baptiste.
Mu kiganiro kigufi IGIHE yagiranye n’umuyobozi w’akarere ka Bugesera Rwagaju Louis, nawe yemeje iby’uyu murambo ariko avuga ko n’ubwo wagaragaye muri Bugesera atariho yiciwe kuko ntakwigendera yavukaga mu Karere ka Ngororero.
Yagize ati “ Narabyumvishe ariko nta bisobanuro byinshi mbifiteho polisi niyo ibifite gusa icyo nzi n’uko atari umuturage w’aha n’abantu bahamutaye bitewe n’uko avuka mu Karere ka Ngororero kandi hari udupapuro tw’amatike tw’imodoka yari yamuzanye iturutse i Ngororero bamusanganye”.
Rwagaju yemeje ko hari n’abo yataye muri yombi bakekwaho kugira uruhare mu rupfu rwa Nyakwigendera barimo n’umwarimu wamwigishaga bivugwa ko ariwe wamuteye inda.
Hari amakuru avuga ko umubyeyi wa Nyakwigendera witwa Benurugo Jean Baptiste ubwo yageraga kuri sitasiyo ya polisi ya Nyamata, yavuze ko umwana we yavuye mu karere ka Ngororero ku wa Gatandatu avuga ko umugabo wamuteye inda yamusabye ko agomba kuza akamujyana i Kigali aho agomba kubyarira akazagaruka iwabo nyuma y’amezi ane amaze kubyara.
Yagize ati “ Uyu mwana yatewe inda n’umwarimu we wamwigishaga mu ishuri ry’imyuga rya VTC Hindiro, ariko ngo yaramubujije kubivuga kuko atabishakaga. Njye numvaga abo bavukana bavuga izina rye kuko sinigeze muca iryera na rimwe, numvaga bavuga ko yitwa Bahati Elysee”.
Polisi itangaza ko itaramenya ikishe uyu mukobwa gusa itangaza ko igikora iperereza, hari abantu bamaze gutabwa muri yombi kugirango babazwe urupfu rwa nyakwigendera.
Hagati aho ise wa nyakwigendera arasaba ko yafashwa gushyingura umwana we kuko we nta bushobozi afite bwo kugeza umurambo mu karere ka Ngororero.
Umurambo wa nyakwigera n’uwo yari atwiri mu bitaro bikuru bya ADEPR Nyamata. Nyakwigendera Yamfashije Drocelle yari umwana wa 7 mu bana 8 bavukana.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego