Bang Media

Shakisha

FILM NYARWANDA

Bumwe mu bwihisho bw’abayobozi bari mu kaga bwari bwaragizwe ubwiru

Bamwe mu bakuru b’ibihugu b’ibikomerezwa babaga bariteganyirije icyanzu bazahungiramo mu gihe rukomeye, aho ni ho benshi bakunze kwita indake.

Aho ni ho bakomereza gutegekera ku buryo abaturage na benshi mu bayobozi baba batazi aho bari gutegekerwa.
Aha ni hamwe mu ho bamwe mu baperezida bagiye bihisha n’ababo mu bihe bikomeye ku bw’ikinyamakuru MSN.
Villa de Torlonia
Ni inyubako yo mu Butaliyani yubatswe na Benito Mussolini wigeze kuyobora icyo gihugu.
Yari inzu yakorerwagamo na Mussolini ku buryo bwihariye, yaje kubakwamo indake Mussolini n’umuryango we bahungiyemo , mu ntambara ya kabiri y’Isi yose.
Iyi ndake yubatswe hagati y’umwaka wa 1942 na 1943 mu buryo bukomeye kandi bugezweho.
Bab al-Aziziya
Bab al-Aziziya ou « Porte magnifique » cyangwa urugi ruhebuje ugenekereje mu Kinyarwanda, ni ubwihisho bwakoreshwaga na Muammar Kadhafi, wahoze ari perezida wa Libya Muammar Kadhafi.
Iyi nyubako yo mu buvumo, yari ikikijwe n’ibibuga by’imikino itandukanye. Yari ifite, ubusitani burimo inyamaswa, ubwogero n’ibindi bijyanye n’ubuzima bwa giherwe. Igihe Libiya yari yugarijwe n’ibitero by’ingabo z’Umuryango w’u Burayi, OTAN mu 2011, Kadhafi yarahahungiye.
Guverinoma nshya ya Libya yahisemo kugira ako gace ahantu hakorerwa ubukerarugendo.
Führerbunker
Ubu nabwo ni ubwihisho bwa Adolph Hitler wari uyoboye u Budage mu Ntambara ya Kabiri y’Isi, ni ahantu yakoreye igihe cye cya nyuma cy’ubutegetsi bwe. Führerbunker yari yubatse mu nsi y’ubusitani bwa minisiteri y’intebe y’u Badage, i Berlin.
Ni inzu y’ibyumba bibiri byo kuraramo, ibiro n’icyumba kiremeramo inama ni naho Hitler yatangiraga amabwiriza y’ingabo ze mu bihe bya nyuma by’ubutegetsi bwe.
Ahari hubatse iyi ndake, hose harashenywe mu gihe cyo gusana umujyi wa Berlin mu 1980.
Indaki ya Saddam Hussein
Izina ry’ubu bwihisho ntirizwi, ariko Saddam Hussein yafashwe n’ingabo za Amerika ari mu mwobo. Icyo gihe yari afite imbunda ebyiri za masotera na Kalashnikov AK47, yari anafite ibihumbi 750.000 by’amadolari ya Amerika.
Ubwihisho bwa Winston Churchill
Nawe yagiraha ibiro biherereye mu nsi y’ubutaka, aha niho guverinoma y’Abongereza yatangiraga amabwiriza mu gihe cy’intambara ya kabiri y’isi yose. Churchill na guverinoma ye bahayoboreye abasirikare mu 1940 kugeza mu 1945. Hari hubatse mu byuma bikomeye, ku buryo hagombaga kurinda abagize guverinoma ibisasu bya rutura.
PEOC yo Muri Leta Zunze Ubumwe za Amerika
Leta Zune Ubumwe za Amerika (USA) igira ahazwi nka Presidential Emergency’s Centre (PEOC) nayo ni ubuvumo bwubatse hafi na perezidansi ya Amerika.
Yubatswe na Perezida Rosevelt mu ntambara ya kabiri y’Isi yose. Yubatse mu buryo itamenwa na buri kintu cyose usibye ibisasu bya kirimbuzi.
Indake ya Kim Jong-Il
Ni ubuvumo bivugwa ko bwubatswe n’uyu mugabo uyobora Koreya ya Ruguru Kim Jon Il, ku musozi wa Baekdu hafi y’inimbibi n’u Bushinwa , ubu buvumo ntibuzwiho byinshi ariko nabwo bivugwa ko bufite ahakorerwa imirimo ya gisirikare.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego