Bang Media

Shakisha

FILM NYARWANDA

Kayonza: Umuyobozi w’Akagari akurikiranyweho gukubita abaturage akabakomeretsa

Musonera Samuel, Umunyamabanga Nshingwabikorwa w’Akagari ka Rwimishinya, mu Murenge wa Rukara, ari mu maboko ya polisi kuri sitasiyo ya Rukara, akurikiranyweho gukubita abaturage yasanze baragiye inka ku gasozi bakagera n’aho bajyanwa mubitaro.

Umuyobozi w’Akarere ka Kayonza Mugabo John, atangaza ko uyu muyobozi w’Akagari yasanze aba baturage baragiye inka ku gasozi kandi barabibujijwe, maze ahita afata inka za bo, azirongora zerekeza ku biro by’Akagari kugirango bacibwe ihazabu (amande).
Aba bashumba ngo bakurikiye inka za bo, bazikurayo ku gahato, Musonera agarutse asanga banyirazo bazishubije, ashaka insoresore zo mugasantere ka Rwimishinya barabakurikira babafashe barabakubita kugeza n’aho abandi baturage batabaye babajyana ku bitaro bya Gahini.
Mugabo Akomeza atangaza ko ari amakosa akomeye gukubita uwo ushinzwe kuyobora, kuko abaturage bifashishwa mu gushyira mu bikorwa gahunda zitandukanye zigamije iterambere ry’igihugu.
Yagize ati “ntabwo byashoboka mu gihe hari gahunda runaka za leta wifuza gukangurira abaturage ko mufatanya mu kuzishyira mu bikorwa kandi warabakubise, nta n’umwe wakunva, ahubwo bajya bagutererana.”
Abaturage na bo basabwe kujya bubahiriza gahunda zose zafashwe birinda kwigomeka k’ubuyobozi, kuko na byo bihanwa n’amategeko, ndetse ngo bagomba no kumenya ko bafite uburenganzira busesuye mugihugu cyababyaye mugihe umuyobozi amuhohoteye aba ashobora kugana urwego rwisumbuyeho rukamurenganura, byaba ngombwa uwo muyobozi agahanwa by’intanganurugero.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego