Bang Media

Shakisha

FILM NYARWANDA

Tariki 04 Mutarama

Uyu munsi mu gihugu cya Congo-Kinshasa hizihizwa umunsi mukuru w’Abahowe Imana.

Tariki 04 Mutarama ni umunsi wa Kane mu minsi igize umwaka, hasigaye iminsi 361 uyu mwaka ukagera ku musozo.
Bimwe mu byaranze uyu munsi
1642: Umwami Charles I w’u Bwongereza yohereje ingabo guta muri yombi intumwa za rubanda, ibi byaje kuganisha ku ntambara ya gisivile.
1717: U Buholandi, u Bwongereza n’u Bufaransa byashyize umukono ku masezerano yiswe Triple Alliance.
1847: Ku nshuro ya mbere, Samuel Colt yagurishije imbunda nto yo mu bwoko bwa revolver pistolet na Guverinoma ya Leta Zunze Ubumwe z’Amerika.
1903: Umunyabugenge Thomas Edison yicishije umuriro inzovu yiswe Topy, iki gihe bari mu bukangurambaga ku bijyanye n’umuriro w’amashanyarazi (War of Currents campaign).
1948: Igihugu cya Burma cyabonye ubwigenge, cyibohora ubukoloni bw’Abongereza.
1951: Mu ntambara ya Koreya, igihugu cy’u Bushinwa na Koreya ya Ruguru byigaruriye umujyi wa Seoul muri Koreya y’Epfo.
1966: Mu gihugu cya Burkina Faso, kitwaga Upper Volta habaye ihirikwa ry’ubutegetsi rikozwe n’ingabo zahise zisesa inteko ishinga amategeko ndetse zishyiraho itegeko nshinga rishya.
1974: Perezida wa Leta Zunze Ubumwe z’Amerika Richard Nixon yateye utwatsi icyifuzo cyo gusubiza ibikoresho byatangajwe na sena mu byo bitaga Watergate Committee.
1987: Muri Leta Zunze Ubumwe z’Amerika habaye impanuka ya gari ya moshi yabereye ahitwa Chase muri Maryland ubwo yavaga i Washington yerekeza Boston. Iyi mpanuka yahitanye abantu 16.
1998: Mu gihugu cya Algeria habaye ubwicanyi bwahitanye abantu bagera ku 170 bo mu duce tw’ibyaro dutatu.
1999: Uwitwa Jesse Ventura wari warigeze kuba umukiranyi (wrestler) wabigize umwuga, yarahiriye kuba umukuru w’intara ya Minnesota.
Jesse Ventura
2004: Mikheil Saakashvili yatorewe kuba Perezida wa Georgia, ibihe byakurikiye impinduramatwara yiswe Rose Revolution.
2006: Uwari Minisitiri w’Intebe mu gihugu cya Israel Ariel Sharon yongeye guhura n’indwara y’umutima yamuzahaje ku buryo bugaragara kugeza ubwo hafatwa icyemezo cyo kumusimbuza Ehud Olmert.
2007: Kongere ya Leta Zunze Ubumwe z’ Amerika yatoreye Nancy Pelosi kuba umukuru wayo, aba umugore wa mbere utorewe uyu mwanya.
2010: Hatashywe ku mugaragaro inyubako ndende ku isi, Burj Khalifa ibarizwa mu Bihugu byunze Ubumwe by ‘Abarabu.
Bamwe mu bavutse uyu munsi
1967: Johnny Nelson, umukinnyi w’iteramakofe ukomoka mu gihugu cy’u Bwongereza.
1982: Paulo Ferrari, umukinnyi w’umupira w’amaguru ukomoka mu gihugu cya Argentina.
1990: Iago Falqué Silva, umukinnyi w’umupira w’amaguru ukomoka mu gihugu cya Espagne.
Bamwe mu batabarutse uyu munsi
2007: Marais Viljoen, umunyapolitiki ukomoka muri Afurika y’Epfo.
2011: Alireza Pahlavi, igikomangoma cyo mu gihugu cya Iran, umuhererezi wa Mohammad Reza Pahlavi.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego