Bang Media

Shakisha

FILM NYARWANDA

TARIKI 28 NYAKANGA

Tariki 28 Nyakanga ni umunsi wa Magana abiri na cumi mu minsi igize umwaka, hasigaye iminsi ijana na mirongo itanu n’itandatu uyu mwaka ukagera ku musozo.

Bimwe mu byaranze uyu munsi mu mateka
1794 : Maximilien Robespierre na Louis Antoine de Saint-Just bicishijwe icyuma cyakoreshagwa mu kwica abantu mu mpinduramatwara yo mu Bufaransa
1821 : José de San Martín, yatangaje ku mugararagaro ubwigenge bw’igihugu cya Peru, bibohora ingoyi y’ubukoloni bwa Espagne.
1933 : Hongeye kubyutswa umubano wa Politiki ushingiye kuri dipolomasi, hagati ya Leta Zunze Ubumwe z’Abasoviyete na Espagne.
1943 : Mu ntambara ya kabiri y’isi yose, ingabo z’Abongereza zakoze igikorwa cya gisirikare cyiswe Operation Gomorrah, kikaba cyari igitero gikomeye cya za bombe i Humburg mu gihugu cy’u Budage gihitana Abaturage b’u Budage basaga ibihumbi mirongo ine na bibiri.
1945 : Indege ya gisirikare ya Leta Zunze Ubumwe z’Amerika yagonze inzu ya mirongo irindwi n’icyenda igeze umuturirwa wa Empire State Buildin, abantu cumi na bane bahasiga ubuzima bandi makumyabiri na batandatu barakomereka.
1957 : Ahitwa Isahaya, mu Ntara y’Iburengerzuba ya Kyūshū, mu gihugu cy’u Buyapani haguye imvura idasanzwe yahitanye abantu bagera kuri Magana acyenda na mirongo icyenda na babiri.
1976 : Ahitwa Tangshan mu gihugu cy’u Bushinwa, hibasiwe n’umutingito utoroshye wahitanye abantu barenga ibihumbi Magana abiri na mirongo ine na bibiri, Magana arindwi na mirongo itandatu n’icyenda(242 769), abandi barenga ibihumbi ijana barakomereka.
2010 : Indege ya Air blue Flight 202, yakoreye impanuka mu misozi ya Margalla. Mu Majyaruguru ya Islamabad mu gihugu cya Pakistan ihitana abantu ijana na mirongo itanu n’abiri.
Bamwe mu bavutse uyu munsi
1954 : Hugo Chávez, Perezida wa Venezuela.
1981 : Michael Carrick, umukinnyi w’Umupira w’amaguru ukomoka mu gihugu cy’u Bwongereza.
Bamwe mu batabarutse uyu munsi
1965 : Sheikh Attallah Suheimat, umunyapolitiki wo muri Jordania.
1981 : Furere Stanley Rother, umumisiyoneri Gaturika ukomoka muri Leta Zunze Ubumwe z’Amerika.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego