Bang Media

Shakisha

FILM NYARWANDA

Tariki 7 Kanama

Tariki ya Karindwi Kanama ni umunsi wa Magana abiri na makumyabiri mu minsi igize umwaka, hasigaye iminsi ijana na mirongo ine n’itanu uyu mwaka ukagera ku musozo.

Bimwe mu byaranze uyu munsi mu mateka
1782: George Washington yategetse ko hakorwa imidali y’icyubahiro igenewe abasirikare bakomerekeye ku rugamba, iyi midali yahawe inyito ya Badge of Military Merit nyuma iza kwitwa Purple Heart.
1890: Anna Månsdotter, ni we mugore wa nyuma wagenewe igihano cyo gupfa mu gihugu cya Suwede, uyu mugore yishwe mu w’1889 mu gace ka Yngsjö.
1909: Alice Huyler Ramsey n’inshuti ze eshatu bashoboye kuba abagore besheje agahigo ku nshuro ya mbere yo gukora urugendo rurerure, ibikunze kwitwa transcontinental bari mu modoka, ibi byabatwaye iminsi mirongo itanu n’icyenda kugirango bave i New York bagere i San Francisco.
1933: Habaye ubwicanyi bukomeye buzwi ku izina rya Simele, Guverinoma ya Iraq yahitanye abantu bagera ku bihumbi bitatu (3000) bari batuye mu gace ka Sumail bafite inkomoko ya Assyrian. Uyu munsi ufatwa nk’umunsi w’abahowe Imana mu ba Assyrian.
1944: IBM (International Business Machines) yashyize ahagaragara porogaramu igenzurwa na mudasobwa ikomeye yari ifite ikoranabuhanga rihambaye (Automatic Sequence Controlled Calculator ).
1947: Hashinzwe ikigo cya Bombay Municipal Corporation iyobora Umujyi wa Bombay, mu Buhinde.
1955: Tokyo Telecommunications Engineering, sosiyete yo mu gihugu cy’u Buyapani ifite mu maboko yayo sosiyete ikora ibikoresho bijyanye n’ikoranabuhanga cyane izwi cyane nka Sony yashyize ahagaragara inyakiramajwi yayo ya mbere.
1960: Igihugu cya Côte d’Ivoire cyabonye ubwigenge.
1989: Mickey Leland wari muri Congress ya Leta Zunze Ubumwe z’Amerika ndetse n’abandi cumi na batanu bakoreye impanuka y’indege mu gihugu cya Ethiopia.
1998: Ibiro by’ambasade za Leta Zunze Ubumwe z’Amerika muri Tanzaniya na Kenya byagabweho ibitero by’Abiyahuzi bihitana abantu magana abiri na cumi na bibiri.
2008: Igihugu cya Georgia cyagabye ibitero bya gisirikare ku Burusiya mu ntambara yiswe South Ossetia War.
Bamwe mu bavutse uyu munsi
1963: Patrick Bouvier Kennedy, umuhungu wa John F. Kennedy ndetse na Jacqueline Bouvier Kennedy.
1986: Nancy Abraham Sumari yabaye Nyampinga uhiga abandi mu rwego rw’isi mu mwaka wa 2005.
Nancy Abraham Sumari
Nancy Abraham Sumari akomoka mu gihugu cya Tanzaniya; yavukiye mu mujyi wa Arusha, ni umwe mu bantu bazwi cyane kubera uburyo yesheje ako gahigo ka Nyampinga uhiga abandi mu gihugu cye ndetse no mu rwego rw’isi mu mwaka wa 2005.
Bamwe mu batabarutse uyu munsi
1989: Mickey Leland, umunyapolitiki wari uhagarariye Leta ya Texas muri Congress ya Leta Zunze Ubumwe z’Amerika.
2009: Louis E. Saavedra, yabaye umuyobozi w’umujyi wa Albuquerque muri Leta ya New Mexico muri Leta Zunze Ubumwe z’Amerika.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego