Bang Media

Shakisha

FILM NYARWANDA

Tariki ya 10 Mutarama

Tariki 10 Mutarama ni umunsi wa 10 mu minsi igize umwaka, hasigaye iminsi 356 uyu mwaka ukagera ku musozo.

Bimwe mu byaranze uyu munsi
1920: Amasezerano yiswe ay’i Versailles yageze ku ntego zayo, kuko uyu munsi hahagaritswe intambara ya mbere y’isi yose.
1922: Arthur Griffith, yatorewe kuba Perezida wa Leta yigenga ya Irland.
1923: Igihugu cya Lituania cyiyongereyeho intara ya Memel.
1946: Hateranye inteko rusange ya mbere y’Umuryango w’Abibumbye yabereye i London mu gihugu cy’u Bwongereza, iyi nteko rusange yitabiriwe n’ibihugu 51.
1946: Mu mushinga wiswe Apollo, ikigo cya Leta Zunze Ubumwe z’Amerika mu bijyanye n’ubumenyi bw’isanzure cyatangaje iyubakwa rya C-5 Rocket Launch Vehicle ari ikinyabiziga cyoherezwaga kiri kumwe n’ibyogajuru byose mu butumwa bwo kujya ku kwezi bwakozwe na Apollo.
1972: Sheikh Mujibur Rahman, yageze mu gihugu cya Bangladesh aturutse mu gihugu cya Pakistan nyuma y’amezi icyenda yari amaze afunzwe.
Sheikh Mujibur Rahman
1981: Leta Zunze Ubumwe z’Amerika na Vatican basubukuye umubano ushingiye kuri dipolomasi nyuma y’imyaka 117 hari byinshi batemeranyaho.
1985: Sandinista Daniel Ortega, yabaye Perezida wa Nicaragua ahita arahirira gukomeza impinduka ziganisha mu mikorere ya gisosiyaliste (socialism) hagati y’igihugu cye na Leta Zunze Ubumwe z’Abasoviyete ndetse na Cuba. Ibi byarakaje Leta ya Amerika yakomeje ingamba zo kurwanya guverinoma ya Nicaragua.
1999: Umuhinde Sanjeev Nanda w’icyamamare mu Buhinde yishe abapolisi batatu abagongeye mu Mujyi wa New Delhi, nyuma y’igihe gito ubutabera bumufashe bwaramurekuye gusa benshi mu baturage b’u Buhinde ntibabifashe neza kuko byatumye babutakariza icyizere.
Sanjeev Nanda
2005: Inkangu yagwiriye abantu bari ahitwa La Conchita muri Leta ya California ihitana abantu icumi abandi barakomereka bikomeye.
Bamwe mu bavutse uyu munsi
1974: Hrithik Roshan, umukinnyi w’amafilimi ukomoka mu gihugu cy’u Buhinde.
1979: Simone Cavalli, umukinnyi w’umupira w’amaguru ukomoka mu gihugu cy’u Butaliyani.
1992: Emmanuel Frimpong, umukinnyi w’umupira w’amaguru ukomoka mu gihugu cya Ghana.
Bamwe mu batabarutse uyu munsi
2008: Maila Nurmi, umukinnyi w’umupira w’amaguru ukomoka mu gihugu cya Leta Zunze Ubumwe z’Amerika.
2009: William Frederick "Bill" Stone umwe bazwi cyane mu barwanye intambara ya mbere y’isi yose.
2011: Margaret Whiting, umuhanzi ukomoka muri Amerika.
Ibindi
Umunsi mwiza kuri Guillaume, Bill, Billie, Guglielmo, Guilhem, Guilhemine, Guillemine, Guillaumette, Guillemette, Guillermo, Gwilherm, Liam, Villem, Vilma, Wilhelm, Wilhelmine, Wilhelmus, Wilek, Wiley, Will, Willem, William, Williamson, Willis, Willkie, Wills, Willy, Gonzague, Miltiade na Melchiade.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego