Bang Media

Shakisha

FILM NYARWANDA

Tariki ya 12 Gashyantare

Tariki ya 12 Gashyantare ni umunsi wa 43 w’umwaka. Uyu mwaka usigaje iminsi 322 ukagera ku musozo, kuko ari umwaka usanzwe.

Bimwe mu bikorwa byaranze uyu mwaka
881 : I Rome, Charles III le Gros, Umuhungu wa Louis le Germanique, yagizwe Umwami w’Abami w’Uburengerazuba.
1668 : Amasezerano ya Lisbonne yemeje Ubwigenge bwa Portugal.
1736 (Autriche) : Marie-Thérèse d’Autriche yashyingiranwe François-Stéphane de Lorraine.
1771 (Suède) : Gustave III yasimbuye Adolphe-Frédéric.
1818 : Chili yabonye Ubwigenge.
1866 : Amerika yoherereje ibaruwa ya gasopo Napoléon III yo gukura igitaraganya ingabo z’Abafaransa zari muri Mexique.
1895 : Intsinzi y’u Buyapani i Weihai mu bushinwa.
1899 : U Budage bwaguze na Espagne ibirwa bya Mariannes, Carolines na Palaos.
1909 : I New York, hashinzwe ikigo National Association for the Advancement of Colored People (NAACP) biturutse kuri Mary White Ovington.
1910 : Itegeko ryo kujya mu kiruhuko cy’izabukuru ku myaka 65 ryatowe mu Bufaransa.
1912 : Mu Bushinwa Umwami w’Abami wa nyuma Puyi yavuye ku butegetsi, Sun Yat-sen atangaza Repubulika.
1915 : Umusirikare Lucien Bersot yahawe igihano cy’urupfu nk’urugero rw’imyitwarire mu gisirikare.
1924 : Calvin Coolidge, Perezida wa mbere wa Amerika wavuze imbwiraruhame (Discours) ya Politiki kuri Radio.
1922 : Hatowe Papa Pie XI.
1931 : Itangira rya Radio Vatican, yafunguwe ku mugaragaro na Papa Pie XI.
1934 : Imyigaragambyo ikomeye mu Bufaransa nyuma y’iyo ku wa 6 Gashyantare.
1938 (Allemagne) : Hitler yahaye ibaruwa ya gasopo Chancelier wa Autriche Schuschnigg itegeka ihabwa umwanya ry’Umunazi Arthur Seyss-Inquart nka Minisitiri w’Umutekano mu gihugu.
1941 : Umuntu wa mbere yavujwe pénicilline.
1943 : Abadage bashyize imirimo y’itegeko, STO.
1946 : Intambara y’abaturage mu Bugereki (Guerre civile grecque).
1947 : Amasezerano ya Panglong yatumye Birimanie ibona Ubwigenge.
1954 : Inyigo yakozwe yagaragaje ko hari Cancer ikomoka ku kunywa itabi.
1964 : Intambara y’abaturage muri Chypre.
1967 : Abasoviyeti babujije ingendo z’indege zekerekeza i Berlin zinyuze mu kirere cyabo.
1973 : Viêt Nam yarekuye imfungwa za mbere z’intambara z’Abanyamerika.
1974 : Alexandre Soljenitsyne, Umusoviyeti wahawe igihembo cyitiriwe Nobel mu ndimi yafatiwe i Moscou.
1979: Iran yabaye Repubulika igendera ku mahame ya Islam.
Margaret Thatcher
1986 : Minisitiri w’Intebe w’u Bwongereza Margaret Thatcher na Perezida w’u Bufaransa François Mitterrand, i Lille bashyize umukono ku masezerano yemeza umushinga bise tunnel sous la Manche, wagombaga kumara imyaka irindwi.
1989 : Imyigaragambyo ikomeye yabereye Islamabad barwanya igitabo «Les Versets sataniques » cyanditswe na Salman Rushdie.
1994 : I Toronto, Victoria Matthews yabaye Musenyeri wa mbere w’Umugore wageze kuri urwo rwego muri Kiliziya y’Abangilikani muri Canada.
1996 : Muri Cisjordanie, Yasser Arafat yabaye Perezida wa mbere w’Abanyapalesitina.
1998 : Vatican yatangaje irekurwa ry’imfungwa za Politike 200 muri Cuba.
1999 : Sénat ya Amerika yagize umwere Bill Clinton mu kibazo cya Lewinsky.
2001 : Icyogajuru NEAR cyoherejwe mu kirere na NASA nyuma y’imyaka itanu cyaguye ku rutare rw’akabumbe gato kitwa Éros, kimaze gukora urugendo rureshya na Kilometero Miliyari 3,2.
2002 : Urukiko Mpuzamahanga Mpanabyaha rwashyiriweho Yougoslavia (TPIY), rwatangiye urubanza rw’uwahoze ari Perezida wa Serbia, Slobodan Milošević, washinjwaga ibyaha by’intambara no kubangamira ikiremwa muntu.
Abavutse kuri uyu munsi
1804 : Heinrich Lenz, Umunyabugenge w’Umudage.
1809 : Charles Darwin, Umunyabumenyi bw’ibinyabuzima w’Umwongereza .
Abraham Lincoln
1809 : Abraham Lincoln, Perezida wa 16 wa Leta Zunze Ubumwe za Amerika.
1884 : Alice Roosevelt Longworth, Umukobwa wa Perezida wa Amerika Theodore Roosevelt.
1908 : Jacques Herbrand, Umunyamibare w’Umufaransa.
1918 : Julian Schwinger, Umunyabugenge w’Umunyamerika wahawe igihembo cyitiriwe Nobel mu Bugenge mu 1965.
1942 : Ehud Barak, Minisitiri w’intebe wa Israël.
1988 : Mike Posner, Umuririmbyi w’Umunyamerika.
Abitabye Imana kuri uyu munsi
1554 : Jeanne Grey, Umwamikazi w’u Bwongereza, yamazeho iminsi icyenda.
1712 : Marie-Adélaïde de Savoie, Igikomangoma cya Savoie, Igisonga cya Nyampinga w’u Bufaransa, Umufasha wa Louis de France, Igikomangoma cya Bourgogne, Igisongacya Rudasumbwa w’u Bufaransa, akaba Umwuzukuru wa Louis XIV.
1771 : Adolphe-Frédéric de Suède, Umwami wa Suède.
1798 : Stanislas II, Umwami wa Pologne.
1989 : Thomas Bernhard, Umwanditsi w’ibitabo wo muri Autriche.
2000 : Screamin’ Jay Hawkins, Umuririmbyi w’Umunyamerika.
2004 : Pierre Kalck, Umunyamateka w’Umufaransa.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego