Bang Media

Shakisha

FILM NYARWANDA

Tariki ya 12 Gicurasi


Tariki ya 12 ni umunsi wa 132 mu minsi igize umwaka usanzwe. Uyu mwaka usigaje iminsi 233 ukagera ku musozo.

- Zaire yigeze kuba Leta Zunze Ubumwe
- Padiri yari yivuganye Papa
- Urupfu ni rwo muti no kubohoka
- 12 Gicurasi ni umunsi Mpuzamahanga w’Umuforomokazi
Ibyibukwa kuwa 12 Gicurasi mu mateka yo hirya no hino ku isi
12/05/- 0407 (Mbere y’Ivuka rya Yezu) : Ni bwo havutse Socrate, umuhanga cyane mu inyurabwenge rijimije. Imvugo ye yumvwagwa na bake. Ajya gupfa azize uburozi, amagambo ye ya nyuma yabaye « Urupfu ni wo muti no kubohoka k’umubiri na roho
12/05/ 1003 :Hatabarutse Gerbert d’Aurillac wari ufite izina Sylvestre II, ari na we Papa wa mbere w‘Umufaransa wabayeho. Dutegereze, kera hashobora kuzaboneka na Papa uva mu Rwanda.
12/05/ 1012 : Hatabarutse Papa Serge IV
12/05/ 1910 : Hatabarutse Sir William Huggins, wakoze imirimo myinshi mu bucukumbuzi n’ubushakashatsi mu bijyanye n’ubumenyi bw’ikirere cy’andi masi atarimo iyo dutuye.
12/05/1926 : Maréchal Józef Pisudski yahiritse ubutegetsi muri Pologne.
12/05/1937 : George VI yagizwe umwami w’Ubwongereza
12/05/1951: Ibirwa Marshall (mu nyanja ya Pasifika) byifashishijwe mu igeragezwa rya bombe kirimbuzi izwi ku izina
12/05/1961 : Leopolville (Leopoldstad mu giholandi) yagizwe umurwa mukuru wa Leta Zunze Ubumwe za Congo (Etas Unis du Congo). Iri zina cyakora ryakoreshejwe igihe kigufi cyane. Iyi niyo yahoze ari Kongo Mbiligi, nyuma iza kuba Zaire, mu minsi ishize ihinduka Repubulika Nyademukarasi ya Kongo (Bitandukanye na Repubulika Iharanira Demukrasi ya Kongo)
12/05/1982 : Ni bwo Papa Yohani Pawulo II yarokotse umupadiri wari uje kumwivugana. Uyu Juan Fernandez Krohn yatswe icyuma gityaye impande zombi (baïonnette) yari aje kubagisha Nyirubutungane, misa igeze hagati.
Uyu mupadiri mwihanduzacumu yari yarahawe ubusaseredoti na Musenyeri Lefebvre (1978). Na ho igikorwa kigayitse cyo gushaka kwivugana Papa yagikoreye i Fatima muri Portugal, ku italiki ya none. Yabaye Padiri kubw’imyemerere, kubw’umwuga yari umunyamategeko.
12/05/1998 : Ingabo za Eritrea zinjiye rwihishwa muri Ethiopia, aho bimenyekaniye rurambikana.
12/05/1999 : Perezida Boris Eltsine w’Uburusiya yeguje Ministiri we w’intebe na Guverinoma yose, aravuga ati «n’abazamusimbura bazibeshye … ».
12/05/1999 : Nibwo Leta y’Ubwongereza yabashije ariko bigoranye gufunga urubuga (website) rwariho amazina 115 y’abakozi bakomeye mu rwego rw’ubutasi. Ntibyateye kabiri, yongera gufungurwa ku yindi nyito, barumirwa. Byakorwaga na Richard Tomlinson, wahoze na we mu nzego nkuru z’ubutasi n’iperereza.
12/05/2010 : Ni bwo i Kigali hashyinguwe RUBAYITA Theophile, Umwe mu masura nyayo y’Umuziki Nyarwanda. Azwi cyane mu ndirimbo « uwo mwana ni we mahoro » yahanze mu wa 1975.
Nk’umuntu wakundaga Gitari ye cyane, ikamuhora hafi, mu 1994, abaje kumwica bavuze ko urupfu rubi kurenza izindi rumukwiye, ari uko yazapfa atongeye gucuranga ukundi, icyo gihe bamuciye intoki, barigendera.
Yongereye icyuho cy’umuziki ukuze mu Rwanda, nyuma y’itabaruka rya Kirusu na Santos, batashye mbere ye ho amezi make. Umuhanzi Agronome Theophile Rubayita yatashye azize indwara ya cancer yari amaranye iminsi.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego