Bang Media

Shakisha

FILM NYARWANDA

Tariki ya 22 Mutarama

Tariki ya 22 Mutarama 2014, ni umunsi wa 22 mu minsi igize umwaka ubura iminsi 343 ngo ugere ku musozo.

1506 : Hashinzwe umutwe w’abarinda Papa i Roma, umuyobozi wa kiliziya Gaturika , aba barinzi bakomoka mu Busuwisi bitwa ‘garde suisse’mu gifaransa kuva muri uyu mwaka kugeza ubu aba ni bo barinzi ba papa n’ubutegetsi bwa leta ya Vatikani, ubasanga bazenguruka ahakikije iyi leta mu mapantalo n’ibisa n’amakote by’amara asa na roza n’umuhondo, ubasanga buri gihe muri kiliziya nini ku Isi iri I Vatikani ahari icyicaro gikuru cya kiliziya ku isi.
1528 : U Bufaransa n’u Bwongereza bashoye intambara i Charles Quint.
1666 : Louis XIV, ry’Umwami w’u Bufaransa yatuye mu nzu iherereye I Saint-Germain-en-Laye.
1689 : Jacques II, Umwami w’u Bwongereza yakiriwe na Louis XIV i St Germain.
1711 : Espagne yahaye u Bwongereza ibirwa bya Malouines.
1798 : Mu Buholandi habaye Ihirikwa ry’ubutegetsi.
1811 : Napoléon yigaruriye agace ka Oldenbourg,igikorwa cyarakaje cyane tsar Alexandre .
1812 : Muri Mexique habaye intambara ya Tenancingo yiswe intambara y’Ubwigenge.
1871 : I Paris babaye imyigaragambyo y’abarwanya Guverinoma, ku itegeko rya Gustave Chaudey abantu benshi bahasize ubuzima kubera urufaya rw’amasasu.
1901 : Edward II yabaye umwami w’u Bwongereza asimbuye nyina Umwamikazi Victoria wari umaze kwitaba Imana.
1905 : Ahitwa St Petersberg mu Burusiya habaye impinduramatwara mu bya politiki abantu benshi bahasiga ubuzima. Uyu munsi bawita Bloody Sunday ugenekereje mu Kinyarwanda bishatse kuvuga icyumweru cy’amaraso.
1917 : Mu ntambara ya mbere y’isi yose Woodrow Wilson wari perezida wa Leta Zunze Ubumwe z’Amerika yahamagariye ibihugu by’u Burayi guhagarika imirwano batitaye ku kuba batsinze cyangwa batsinzwe intambara barimo.
1924 : Ramsay MacDonald yabaye minisitiri w’intebe wa mbere w’u Bwongereza.
1927 : Bwa mbere mu mateka y’isi umupira w’amaguru wanyujijwe kuri radiyo uri kuba ako kanya(live). Uyu mupira wari wabereye i Highbury uhuza ikipe ya Arsenal na Sheffield United.
1944 : Mu ntambara ya kabiri y’isi yose ingabo zari zarishyize hamwe zagabye igitero ku Butaliyani mu gace kitwa Anzio.
1946 : Muri Leta Zunze Ubumwe za Amerika hashinzwe ikigo cy’ubutasi cyitwaga Central Intelligence Group cyaje guhinduka Central Intelligence Agency (CIA mu magambo y’impine).
1949 : Nyuma y’intambara y’Isi , ingabo za Mao zigaruriye umujyi wa Pékin.
1957 : Israel yatangaje ku mugaragaro ikuye ingabo zayo ku kigobe cya Sinai.
1962 : Ishyirahamwe rya za leta zigize Leta Zunze Ubumwe za Amerika ryahagaritse Cuba muri iryo shyirahamwe.
1963 : Ibihugu by’u Bufaransa n’u Budage byasinye amasezerano y’ubufatanye yiswe Elysée treaty. Aya masezerano yashyizweho umukono na Charles de Gaulle ku ruhande rw’u Bufaransa ndetse na Konrad Adenauer ku ruhande rw’u Budage.
1968 : Leta Zunze Ubumwe za Amerika zatangiye icyitwa Operation Igloo White. Ibi byari uburyo bw’ikoranabuhanga bwari kubafasha kugabanya umuvuduko w’abakomunisite (communistes) muri Vietnam y’amajyepfo.
1969 : Umuntu witwaje intwaro yagerageje guhitana Leonid Brezhnev wari perezida w’icyitwaga Leta Zunze Ubumwe z’Abasoviyeti.
1973 : Indege yo mu bwoko bwa Boeing 707 yafashwe n’inkongi y’umuriro mbere y’uko igwa ku kibuga cy’indege cya Kano muri Nigeria. Iyi mpanuka yahitanye abagera ku 176.
1977 : Uwari Perezida wa Leta Zunze Ubumwe za Amerika Jimmy Carter, yahaye imbabazi abasirikare batorotse intambara yo muri Viêt Nam.
1979 : Filime « Holocauste »ivugwa akarengane abayahudi bagiriwe bicwa muri Jenoside yabakorewe yerekanywe bwa mbere mu Budage.
1987 : R. Budd Dwyer umunyapolitiki ukomoka muri leta ya Pennsylvania yiyahuye yirashe mu kiganiro yakoranaga n’abanyamakuru kigahita kinaca kuri televiziyo. Ibi byakuruye impaka ndende hagati y’abanyamakuru.
1991 : Iraki yohereje igisasu cya Scud gihitana abantu batatu i Tel Aviv mu ntambara yiswe yo mu kigobe cya Golfe« Guerre du Golfe ».
1992 : Muri Repubulika iharanira Demokarasi ya Congo umutwe witwara gisirikare wigaruriye radiyo y’igihugu iherereye mu murwa mukuru Kinshasa basaba guverinoma kubahiriza amasezerano bari bagiranye.
1999 : Umuvugabutumwa Graham Staines ukomoka mu gihugu cya Australia yatwikiwe mu modoka ye hamwe n’umuryango we wose mu burasirazuba bw’u Buhinde. Ibi byakozwe n’intagondwa zo mu idini y’abahindus.
2006 : Evo Morales yarahiriye kuyobora igihugu cya Bolivia.Uyu niwe Perezida w’umusivile wari uyoboye iki gihugu mu mateka yacyo.
2012 : Amatora yemerera Croatia kwinjira mu muryango w’ubumwe bw’Ibihugu by’i Burayi.
Bimwe mu bihangange byabonye izuba kuri iyi tariki
1561 : Francis Bacon, Umwanditsi w’Umwongereza.
1729 : Gotthold Ephraim Lessing, Umwanditsi w’Umudage.
1858 : Beatrice Webb, Umwanditsi w’Umwongereza.
1914 : Igikomangoma Sisowath Sirik Matak, Minisitiri w’intebe wa Repubulika ya Cambodge.
1937 : Jean-Pierre Miquel, Umwanditsi w’Umufaransa.
1968 : Frank Lebœuf, umukinnyi wa football ukomoka mu Bufaransa
1982 : Fabricio Coloccini, umukinnyi w’umupira w’amaguru ukomoka mu gihugu cya Argentina.
1985 : Mohamed Sissoko, umukinnyi w’umupira w’amaguru wabigize umwuga ukomoka mu gihugu cya Mali.
1985 : Tommy Knight,umukinnyi wa filimi ukomoka mu gihugu cya Leta zunze ubumwe z’Amerika.
Bimwe mu bihangange byatabarutse kuri iyi tariki
1850 : Guillaume-Joseph Chaminade, Umupadiri w’Umufaransa washinze umuryango w’Abamariyanisiti (Société de Marie (Marianistes).
1901 : Victoria, Umwamikazi w’u Bwongereza.
1922 : Fredrik Bajer, waharaniye amahoro muri Danemark wabiherewe igihembo cyitiriwe Nobel mu guharanira amahoro
1973 : Lyndon B. Johnson, wabaye perezida wa 36 wa Leta Zunze Ubumwe z’Amerika.
1995 : Rose Fitzgerald Kennedy, nyina wa Perezida John Fitzgerald Kennedy.
2008 : Roberto Gari, umunyamerika wamenyekanye cyane mu gukina filimi.
2009 : Chau Sen Cocsal, Minisitiri w’intebe wa Cambodge.
2010 : Jean Simmons, Umukinnyi w’amakinamico w’umwongereza.
Abatagatifu Kiliziya Gaturika yizihiza uyu munsi.
Vincent Palotti washinze umuryango w’abafurere n’ababikira b’Abapalotini. Hari kandi na Mutagatifu Anasitase wahowe imana azira ukwwmera kwe. Kuri uyu munsi hari na Laura.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego