Bang Media

Shakisha

FILM NYARWANDA

Tariki ya 27 Kamena

Tariki 28 Kamena ni umunsi w’180 mu minsi igize umwaka, hasigaye iminsi 185 uyu mwaka ukagera ku musozo.

Bimwe mu byaranze uyu munsi mu mateka
1635: Igihugu cya Guadeloupe cyatangiye gukolonizwa n’Abafaransa.
1635: Mu Bwongereza habaye umuhango wo kwambika ikamba Umwamikazi Victoria.
1881: Hagati ya Austria na Serbia, mu buryo bw’ibanga hashyizwe umukono ku masezerano y’ubufatanye.
1882: Hashyizwe umukono ku masezerano hagati y’igihugu cy’u Bwongereza n’u Bufaransa yemeza ishyirwaho ry’imbibi hagati ya Guinea Conakry na Sierra Leone.
Igihugu cya Guinea cyakolonijwe n’u Bufaransa mu gihe Sierra Leone yo yakolonijwe n’Abongereza.
1895: El Salvador, Honduras na Nicaragua byishyize hamwe bikora icyitwa Repubulika y’Amerika yo hagati.
1919: Mu gihugu cy’u Bufaransa, mu Mujyi wa Paris hashyizwe umukono ku masezerano yiswe aya Versailles yo gusoza intambara ya mbere y’isi yose hagati y’ibihugu by’u Bubiligi, u Bwongereza, u Butaliyani, u Bufaransa, na Leta Zunze Ubumwe z’Amerika ndetse n’u Budage na Austria-Hungary byari bifatanyije.
1940: Romania yazibukiye Akarere ka Bessarabia (muri ibi bihe ni muri Repubulika ya Moldova) ikegurira Leta Zunze Ubumwe z’Abasoviyete.
1942: Abanazi bo mu Budage batangiye ingamba zo mu gihe cy’Icyi zo kurwanya Leta Zunze Ubumwe z’Abasoviyete, ingabo z’Abanazi zakoresheje izina ry’ibanga (code) rya Case Blue.
1950: Umujyi wa Seoul mu gihugu cya Koreya y’Epfo wafashwe bugwate n’ingabo za Koreya ya Ruguru.
1950: Igihugu cya Israel cyigaruriye Uburasirazuba bwa Yeruzalemu.
1981: I Tehran haturikiye igisasu cyo mu bwoko bwa bombe gihitana abantu 73 bo mu ishyaka rya Islamic Republic Party.
2005: Mu ntambara ya Afghanistan abantu batatu bo mu mutwe w’inzobere wa USA uzwi nka U.S. Navy SEALs batakarije ubuzima mu gitero cyiswe Operation Red Wing; si aba gusa kuko abandi 16 b’inzobere mu bikorwa bya gisirikare baguye muri iki gikorwa mu Ntara ya Kunar.
2006: Repubulika ya Montenegro yinjiye mu mubare w’ibihugu biri mu muryango w’Abibumbye.
Bamwe mu bavutse uyu munsi
1883: Pierre Laval wabaye Minisitiri w’Intebe w’u Bufaransa.
1938: Leon Panetta wabaye umuyobozi mukuru w’ikigo cy’ubutasi cya Leta Zunze Ubumwe z’Amerika CIA (Central Intelligence Agency).
1957: Georgi Parvanov, wabaye Perezida wa Bulgaria.
Bamwe mu batabarutse uyu munsi
1836: James Madison, wabaye Perezida wa Leta Zunze Ubumwe z’Amerika.
1913: Manoel Ferraz de Campos Salles, Perezida wa Brazil.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego