Bang Media

Shakisha

FILM NYARWANDA

Tariki ya 6 Gicurasi

Tariki ya 06 Gicurasi ni umunsi wa 126 mu minsi igize umwaka, hasigaye iminsi 239 uyu mwaka ukagera ku musozo.

Bimwe mu byaranze uyu munsi mu mateka
1527 : Ingabo z’igihugu cy’u Budage na Espagne zagabye ibitero i Roma, abenshi babifata nk’iherezo ry’icyiwe Renaissance.
Iki gitero cyaguyemo abarinda Papa 127, barimo n’umuyobozi wabo. Iki gihe baarwanyaga ingabo z’umwami Charles V bagira ngo Papa Clement VII ave muri Cathedrale ya Sant’Angelo abashe guhunga.
1536: Umwami Henry VIII, yategetse ko urusengero rwose ruri mu gihugu cy’u Bwongereza rugira Bibiliya iri mu rurimi rw’icyongereza.
1816: Mu gihugu cya Leta Zunze Ubumwe za Amerika hashinzwe sosiyete ikora ibijyanye na Bibiliya izwi ku izina rya American Bible Society.
1889: Mu gihugu cy’u Bufaransa hatashywe ku mugaragaro umunara witiriwe Eiffel, mu imurikagurishwa ryabereye mu murwa mukuru w’iki gihugu i Paris.
1910: George V yabaye Umwami w’igihugu cy’u Bwongereza, nyuma y’urupfu rwa se Edward VII.
1840: Ni bwo timbre ya mbere yakoreshejwe mu Bwongereza nk’uburyo bwo kwishyura itumanaho rikozwe n’iposita.
1932 : Perezida w’u Bufaransa Paul Doumer, yarashwe n’Umurusiya wari yariyoberanyije yiyita umuganga
1941: Staline yabaye Umuyobozi wa Repubulika Zunze Ubumwe z’Abasoviyeti
1942: Mu gihe cy’intambara ya kabiri y’Isi, ingabo z’Abanyamerika zarwaniraga muri Phillipines zishyize mu maboko y’iz’Abayapani, nyuma yo kwicwamo benshi muri bo.
1955: U Bwongereza bwatanze ikirego mu Rukiko Mpuzamahanga Mpanabyaha, ku makimbirane yari hagati ya Argentina na Chili bapfa ibirwa bya Malouines. Ibi bihugu byombi byanze kuburanishwa.
1976: Umutingito w’Isi wahitanye abasaga igihumbi muri Frioul.
1984: Papa Yohani Pawulo II, yashyize abahowe Imana bo mu gihugu cya Koreya y’Amajyepfo 103, mu Bahire. Iyi mihango yabereye mu mujyi wa Seoul.
1994: Umwamikazi w’igihugu cy’Ubwongereza Elisabeth II ari kumwe na Perezida w’igihugu cy’Ubufaransa Francois Mitterrand bafunguye ku mugaragaro inzira ya gariyamoshi inyura mu nsi y’ubutaka.
1997: Nyuma y’imyaka 300 amabanki agenzurwa na Leta, Banki nkuru y’igihugu cy’Ubwongereza yahawe ubwingege, Leta ihagarika kuyikorera ubugenzuzi.
1998: Nibwo intambara yeruye hafashishijwe intwaro yatangiye, nyuma y’ ubushyamirane bwari bumaze igihe hagati y’ibihugu bivandimwe Erythrée na Ethiopia ku mpamvu zo kutumvikana ku nkiko z’ibihugu byombi.
2000: Undi mutingito ukomeye ungana na 7 ( ku gipimo cya Richter) washegeshe igihugu cya Islande, uhitana abatari bake, abandi baburirwa irengero.
2001: Bwa mbere mu mateka ya Kiliziya Gatolika, Umupapa yasuye ahasengera abasilamu. Uyu munsi ni bwo Papa Yohani Pawulo II yasuye umusigiti Omeyyades i Damasiko. Papa Jean Paul II, azwiho kuba yari umunyamahoro, waharaniraga isura izira amakemwa ya Kiliziya, akanaharanira ko abatuye isi babana amahoro atarangwamo ivangura. Iki gikorwa kikaba cyarongeye gukorwa ku nshuro ya kabiri na Papa Benedigito wa XVI ubwo yinjiraga mu musigiti wa Blue Mosque tariki ya 30 Nzeri 2006.
2002: Mu burengerazuba bw’u Buyapani, Hiroto Moriyama yafungiwe ubugome bukorerwa inyamaswa. Yari amaze kujugunya injangwe esheshatu azinyujije mu idirishya, hejuru mu igorofa rya gatandatu. Yaburanye avuga ko zanutsaga inzu ye, ariko nta mpamvu nyoroshyacyaha n’imwe urukiko rwemeye, kuko injangwe imwe gusa ni yo yabashije kugera hasi ikiri nzima. Yahanishijwe kwishyura y’amayeni no gufungwa umwaka wose.
2007: Ni bwo Nicolas Sarkozy yatowe nka Perezida wa 6 muri Repubulika ya Gatanu, akaba kandi perezida wa 23 w’u Bufaransa.
2010: Leta ya Nijeria yatangaje icyunamo cy’iminsi irindwi mu gihugu hose, nyuma y’urupfu rwa Perezida Zemřel Umaru Yar’Adua, wari umaze amezi arwariye muri Arabia Saoudite.
Ibyamamare byavutse kuri uyu munsi
1951: Samuel Doe, wabaye Perezida wa Liberiya. Samuel Kanyon Doe, yabaye Perezida wa 21 wayoboye igihugu cya Liberiya. Yayoboye igihugu cya Liberiya guhera mu mwaka wa 1986 kugera mu mwaka wa 1990 amaze kwicwa.
1953: Tony Blair, wabaye Minisitiri w’Intebe w’igihugu cy’u Bwongereza.
Tony Charles Lynton Blair yavukiye, ahitwa Edinburgh muri Scotland, ababyeyi be ni Leo Charles Lynton Blair Augustus Parsons na Hazal Blair.
Tony Blair, yabaye Minisitiri w’Intebe w’igihugu cy’u Bwongereza Tariki ya 2 Gicurasi 1997 afite imyaka 43 y’amavuko. Yabaye Minisitiri w’Intebe akiri muto, dore ko undi wigeze kugira uyu mwanya akiri muto yari Robert Banks Jenkinson wabaye Minisitiri w’Intebe mu mwaka wa 1812 wari ufite imyaka 42.
Tony Blair ni umurwanashyaka wa British Labour Party, wabaye Minisitiri w’Intebe Igihe kirekire ukomoka muri iri shyaka. Ni na we muntu rukumbi wabashije guhesha intsinzi ishyaka rye inshuro eshatu zose.
Tariki ya 27 Kamena 2007, Tony Blair yavuye ku mwanya wa Minisitiri w’Intebe. Tony Blair yashyingiranwe na Cherie Booth, bafitanye abana bane, Euan, Nicholas, Kathryn na Leo.
1850: Havutse Ferdinand Braun, Umucukumbuzi mu Bugenge (physics) yanabiherewe igihembo Nobel ( 1909). Ni we wavumbuye « cathode ray oscillograph» (1897) na «antennes dirigées» (1902).
1856: Havutse Sigmund Freud, Psychiatre ufatwaho ikitegererezo (reference), ni na we washyize ahagaragara ubumenyi bwiswe « psychanalyse »
Abatabarutse kuri uyu munsi
1840: Francisco de Paulo Santander, wabaye Perezida w’igihugu cya Colombiya ni na we kandi wagihesheje ubwigenge.
1996: Habonetse umurambo wa William Colby wari umuyobozi w’ikigo cy’Ubutasi cya Leta Zunze Ubumwe za Amerika CIA, watoraguwe mu mugezi wa Maryland nyuma y’iminsi umunani.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego