Bang Media

Shakisha

FILM NYARWANDA

Tariki ya 8 Mutarama

Tariki ya 8 Mutarama ni umunsi wa 8 mu minsi y’umwaka usanzwe. Hasigaye iminsi 358 kugira ngo uyu mwaka ugere ku musozo.

1198: Itorwa rya Papa Innocent III.
1499: Ishyingirwa ry’umwami w’u Bufaransa Louis XII na Anne w’Umwongereza.
1679: René Robert Cavelier de La Salle yageze ku masumo ya Niagara.
1745: Amasezera y’ubufatanye hagati ’u Bwongereza, Autriche, Saxe na Provinces-Unies mu kurwanya Prusse.
1806: u Bwongereza bwafashe Cap de Bonne-Espérance.
1815: Intambara yahuje u Bwongereza n’Amerika “Bataille de La Nouvelle-Orléans”, Intsinzi ya Andrew Jackson.
1912: Ishyaka African National Congress (ANC) riri ku butegetsi muri Afurika y’Epfo nibwo ryashinzwe riba irya mbere ribayeho muri Afurika nzima.
1914: Ikoreshwa bwa mbere rya radium mu kuvura indwara ya Cancer.
Perezida Woodrow Wilson
1918: Perezida Woodrow Wilson yashyize ahagaragara ibintu 14 byaranze igihugu cye cya Leta Zunze Ubumwe z’Amerika mu Ntambara ya mbere y’Isi yose igihugu cyari gikubutsemo.
1956: Habaye igikorwa cya gisirikare cyiswe Operation Auca, cyaguyemo ingabo eshanu z’Abanyamerika zari zagiye mu butumwa zivuganywe n’indwanyi za Huaorani zo mu gihugu cya Equador bamaze kuvugana.
1959: Charles de Gaulle yabaye Perezida wa mbere w’u Bufaransa muri Repubulika ya Gatanu. Fidel Castro yageze i La Havane.
Perezida Charles de Gaulle
1961: Mu gihugu cy’u Bufaransa habaye kamarampaka yo gushyigikira ingamba za Perezida Charles de Gaulle zagombaga kugenderwaho mu gihugu bakolonizaga cya Algeria.
1962: Mu gihugu cy’u Buholandi habaye impanuka ya gari ya moshi yabereye Harmelen ihitana abana 93.
1964: Perezida Lyndon B. Johnson yatangaje itangira ry’intambara yo kurwanya ubukene muri Leta Zunze Ubumwe z’Amerika.
1973: Hatangiye urubanza ruturuka ku cyiswe Watergate scandal aho abagabo barindwi bashinjwaga kwinjira mu buryo butemewe n’amategeko ku cyicaro cy’ishyaka ry’Abademokarate muri Amerika kiri ahitwa Watergate.
1975: Ella T. Grasso yabaye umukuru w’intara(Guverineri)wa Leta ya Connecticut, aba umugore wa mbere wayoboye Leta yo muri Amerika aho yagiyeho asimbuye umugabo we.
1978: Biturutse ku gitutu yokejwe n’imiryango mpuzamahanga, Perezida wa Pakistani Zulfikar Ali Bhutto yarekuye umuyobozi wa Bengali Sheikh Mujibur Rahman yari yarataye muri yombi nyuma y’uko atangaje ubwigenge bw’igihugu cya Bangladesh.
2002: Perezida George W.Bush yashyize umukono ku itegeko ryemerera buri mwana wese kurengerwa n’itegeko(No Child Left Behind Act.)
2010: Abagabo bitwaje intwaro bagabye igitero ku modoka yari igeze i Cabinda itwaye ikipe y’igihugu y’umupira w’amaguru ya Togo yerekezaga mu mikino y’igikombe cya Afurika cyo mu mwaka w’2010, bahitana abagera kuri batatu.
Bamwe mu bavutse uyu munsi
1888: Richard Courant, umunyamibare w’Umudage.
1904: Karl Brandt, Umuganga wihariye wa Adolf Hitler.
1967: R. Kelly, umuhanzi w’icyamamare ukomoka mu gihugu cya Leta Zunze Ubumwe za Amerika.
1982: John Utaka, Umukinnyi w’Umupira w’amaguru ukomoka mu gihugu cya Nigeria.
Kim Jong-Eun, Perezida wa Corea ya Ruguru
1984: Kim Jong-eun, Perezida wa Corea ya Ruguru,wagiyeho asimbuye se wari umaze gutabaruka mwaka wa 2011.
1988: Adrián López Álvarez, umukinnyi w’umupira w’amaguru ukomoka mu gihugu cya Espagne. Jirès Kembo Ekoko, Umukinnyi w’umupira w’amaguru ukomoka mu gihugu cya Congo Kinshasa.
Bamwe mu batabarutse uyu munsi
1107: Edgar Ier, Umwami wa Écosse.
1198: Papa Célestin III.
1642: Galilée, Umunyamibare n’ubumenyi bw’imibumbe.
1789: Jack Broughton, Umuteramakofe w’umwongereza.
1874: Charles Étienne Brasseur de Bourbourg, Umwanditsi w’ibitabo akaba n’Umunyamateka w’Umufaransa.
1976: Zhou Enlai, Umukuru wa Guverinoma y’u Bushinwa.
1996: François Mitterrand, wabaye Perezida w’u Bufaransa.
1997: Melvin Calvin, Umunyabutabire (chimiste) w’Umunyamerika, wahawe igihembo cyitiriwe Nobel mu Butabire mu 1961.
2002: Alexandre Mikhaïlovitch Prokhorov,Umunyabugenge (physicien) w’Umurusiya, wahawe n’igihembo cyitiriwe Nobel mu bugenge mu 1964.
2011: Thorbjørn Svenssen, umukinnyi w’umupira w’amaguru ukomoka mu gihugu cya Norvege.
Ibindi
Umunsi mwiza kuri Lucien, Lucian, Luciana, Luciano, Lucienne, hari kandi Evrard, Erhard, Eberhard, Ebrard, Gudul, Gurvant, Gurvan, Gurvand, Gurwan, Gurwant na Peggy.
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego