Bang Media

Shakisha

FILM NYARWANDA

Uganda yohereje Umunyarwanda ukekwaho ibyaha bya Jenoside

Jean Paul Birindabagabo, Umunyarwanda ushijwa ibyaha bya Jenoside yakorewe Abatusti muri Mata 1994 wafatiwe muri Uganda aho yabaga yariyise Pasiteri Daniel, yagejejwe mu Rwanda.

Kuri uyu wa 14 Mutarama 2014, ahagana saa moya n’igice z’umugoroba, ni bwo indege yari izanye Birindabagabo, yamushyikije ku kibuga cy’indege cya Kanombe imuvanye muri Uganda.
Ku kibuga cy’Indege, yahise ashyikirizwa Ubugenzacyaha bwa Polisi y’u Rwanda, bwari kumwe n’Urwego rw’Ubushinjacyaha bwamushyiriyeho impapuro zimuta muri yombi.
Uganda yohereje Umunyarwanda ukekwaho ibyaha bya Jenoside
Birindabagabo yakiriwe na Polisi y'u Rwanda
Umuvugizi w’ubushinjacyaha bw’u Rwanda, Alain Mukurarinda yashimangiye ko uyu mugabo akurikiranweho kugira uruhare muri Jenoside yakorewe Abatutsi, aho ashinjwa gukora kuri za bariyeri no kuyobora ibitero byarimbuye ibihumbi by’Abatutsi ahahoze ari Komoni Sake muri Perefegitura ya Kibungo.
Birindabagabo yafatiwe muri Uganda ku itariki ya 8 Mutarama 2015, nyuma yo kuhatura igihe kirekire, ndetse akaza no guhindura amazina, ari na cyo cyatumye atinda gufatwa; Biivugwa ko yarafashwe hashingiwe ku mpapuro zo kumuta muri yombi, yashyiriweho ku wa 30 Kamena 2014.
Uganda yohereje Umunyarwanda ukekwaho ibyaha bya Jenoside
Alain Mukurarinda avuga ko Birindabagabo yari umwe mu bari bamaze imyaka 20 batarafatwa
Mukurarinda yagaragaje ko bafite amakuru ahagije amushinja, ati “Amakuru arahari ndetse atanahari ntabwo igihugu icyo ari cyo cyose cyapfa kumwohereza. Kuba rero Uganda yamwohereje ni uko babona neza ko ibyo akekwaho bifite ireme.”
Umuvugizi wa Polisi y’u Rwanda yavuze ko ibi bigaragaza ubushobozi bw’Ubugenzacyaha na Polisi y’u Rwanda, asaba ko abantu bose bafite amakuru bayatanga kuko hakiri n’abandi bantu bakurikiranyweho ibyaha bya Jenoside batarafatwa.
Yokomeje avuga ko gufatwa kw’uyu mugabo byakozwe ku bufatanye na Polisi mpuzamahanga (Interpol), akaba agiye kubazwa n’Ubugenzacyaha nuri iyi minsi itanu mu buryo bwo kunoza dosiye ye, akabona gushyikirizwa ubushinjacyaha.
Uganda yohereje Umunyarwanda ukekwaho ibyaha bya Jenoside
CSP Celestin Twahirwa Umuvugizi wa Polisi y'u Rwanda arasaba ko abafite amakuru y'aho abatarafatwa baherereye bayatanga na bo bagashakishwa
Birindabagabo yavutse mu mwaka wa 1956, avukira ku Mubuga ahitwa Nyamisa hahoze ari muri Komini Kibirira mucyahoze ari Perefegitura ya Gisenyi, ubu ni mu Ntara y’Uburengerazuba.
Ubwo Jenoside yakorwaga, Birindabagabo yari umwe mu barwanashyaka bakomeye ba MRND i Kibungo, akaba n’Umuyobozi wa Koperative yitwa “TWIBUMBE BAHINZI” yo mu cyahoze ari Komini Sake.

The New Times
Shyiraho Igitekerezo!

Related Posts by Categories



0 comments:

Post a Comment

 

Ubuzima

Urwego